Jone 9:8 - Buka Blahi Ka Cheke Holo

⁸ Aonu keha naiknore ne filoni mae igne teke tore sileni ka naiknore tifa na. Mare nei kheragna fofodu mana re eghu ne funu cheke eghu fari thedi, “Tore, mae te dofu igne ngala jau si mae teke gnokro koba ka geri nabrou na teke tore sileni ia?”

Jone 9:8 Iomraidhean Croise

Nonomho Te Keli Teke Risoi Mae Mak 10:46

Mae Jisas nei nogna mae fanomhore eghu ne mei posa Jeriko. Kate jifla mare jare na, kmana naikno langau ne tei baludi mare. Aonu, kaisei mae te dofu, nanghagna na mae Batimeas, thugna mae Timeas. Mana gnokro koba rhegna nabrou na mala tore sileni ka naiknore.

Luku 1:58

Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.

Luku 18:35

Mae Jisas ne mei rhegna namono Jeriko. Eghuteuna kaisei mae te dofu gnokro neu ka geri nabrou na. Mana leuleghu fata na tore sileni koba ka naikno te liu jare re.

Jone 9:9

Keha naiknore ne cheke eghu, “Uve, mana ngala!” Nu kehare ne cheke eghu, “Theo, theome mana, kaisei mae jateula mana eghu.” Mana thegna ne cheke eghu ka mare, “Uve, iara ngala!”

Thoutonu Eigna Rut 1:19

Aonu Naomi ghe Rut ne jifla jare Moab ne tei Betlehem. Kate filodi repa te posa ka namono na, goro gaꞌasere ne eha eghu fabiꞌo, “Ihei signea? Naomi na kela pulo mei ka tahati!”

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Ululahu Samuel 21:11

Kate au teu mae Devet jare na, nogna mae gloku king Akis re ne cheke eghu, “Mae igne nodi king mae Israel. Gaꞌasedi Israel re neke fafnaknoni nanghagna mana na. Rehati neke ragi balu koje neke cheke eghu: “King Sol neke aknu falehe kaisei thogha naoka. Nu Devet neke aknu falehe nabotho thogha.”