Jone 7:12 - Buka Blahi Ka Cheke Holo

¹² Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Jone 7:12 Iomraidhean Croise

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Matiu 21:46

Aonu, mare magnahaghei te lokini mana. Nu mare mhaghu te eni tuana, naugna naiknore fatutuani ni mae Jisas gne kaisei mae profet.

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Luku 18:19

Mae Jisas ne cheke eghu ka mana, “Ghema, naugna unha site chekeni iagho ne mae keli iara teu gnea? Kaisei thegna God ngala site keli naia, theo hei nga.

Luku 23:47

Mae pha'u mae di hatimare mae soldia di Rom kegra neu jare ne filoni unha te eni igne. Mana ne kilo fnaknoni God, ne cheke eghu, “Tuani fara, mae igne kaisei mae doglo fara!”

Luku 23:50

Ka narane tuana kaisei mae biꞌo nanghagna na Josep, mae gna ka namono Arimatea ka Provins Judia. Mana kaisei mae doglo nei keli fara eghu, mana kaisei mae te ofoni fabrahu teu narane te mala funei frunidi God nogna naiknore. Mana kaisei mae ka hatimare mae tothoghei fate, nu mana theome kaisei gaoghatho baludi mare te mala faleheni mae Jisas.

Luku 6:45

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 7:32

Mae Farasi re nomhidi naiknore te cheke pouporu eidi glepo te edi mae Jisas igre. Aonu mae pris ulu nei mae Farasi eghu igre ne kurudi keha mae greireghi Sugablahi na mala tei lokini mana.

Jone 7:47

Mae Farasi gre ne cheke eghu ka mare, “Tutuani fara, ghotilo la fatutuanidi hila nogna chaghi mana re.

Jone 7:52

Hatimare ne cheke eghu ka mae Nikodimas, “Ba, iagho mae funumu Galili la sia? Hiro fakelidi sagho grioriso te blahi igre, iagho ginauna theome filoni kaisei mae profet te mei funu Galili na.”

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Letas Teke Riso Tei Mae Pol Ka Khiloau Rom 5:7

Ninhigrana fara ranghini kaisei naikno te magnahaghei lehe tughuni kaisei naikno te doglo na. Nu jame kaisei mae te frane, mana tangomana te lehe tughuni kaisei mae te keli fara na.

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.