Jone 6:4 - Buka Blahi Ka Cheke Holo

⁴ Ka vido tuana u nodi Gaghamu Ghasa-Polho mae Jiure la namohi.

Jone 6:4 Iomraidhean Croise

Levitikas 23:5

Leuleghu finogha, ka nhigra ulu lahu, ka nabotho fati narane, kate plulu naprai na, ghotilo ginauna mala eni Gaghamu gna Ghasa-Polho.

Levitikas 23:7

Ka narane ulu lahu gna gaghamu biꞌo igne, igne kaisei narane blahi mala kafe khapru mei ghotilo mala kilo fnakno ghau iara. Eghuteuna ka narane igne ghotilo mala thosei loku.

Jone 11:55

Ka vido tuana, nodi narane biꞌo mae Jiu te mala eni gna Gaghamu Ghasa-Polho na la namohi. Eghuteuna kmana naikno mei Jerusalem funudi ka namono te au namo teu jare, te mala kulu gae ke ulugna God ame thoke mei nga narane gaghamu na.

Jone 12:1

Namno narane ngau ame thokeni nga narane Gaghamu Ghasa-Polho na, mae Jisas neke pulo Betani, ka namono aheva te au mae Lasaros. Mae igne teke lehe nu ke fakakarha mae Jisas teku ia.

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 2:13

Aonu, mae Jisas ne haghe Jerusalem. Naugna nodi narane Gaghamu Ghasa-Polho mae Jiure la namohi.

Jone 5:1

Kaisei fata ke leghugna igne, mae Jisas neke haghe Jerusalem malagna kaisei nodi gaghamu biꞌo hatimare mae Jiu.

Diutronomi 16:1

Aonu mae Moses ne cheke eghu, “Leuleghu finogha, ka nhigra Abib, ghotilo ei Gaghamu Ghasa-Polho. Ghotilo eni gaghamu igne, naugna kaisei bongi ka nhigra Abib, Lord, nomi God ghotilo na neke hata fajifla ghami ghotilo Ijep.