Jone 6:2 - Buka Blahi Ka Cheke Holo

² Kmana naikno leghuni mana, naugna mare ne filodi nogna gloku te nolaghi te edi mana te fakelidi naikno te fogra re.

Jone 6:2 Iomraidhean Croise

Matiu 12:15

Kate laseni mae Jisas te magnahaghei faleheni mare na, mana ne jifla kokoni vido tuana. Eghuteuna kmana naikno ne tei balugna mana, nu mana kafe fakelidi ne hui naikno te fogra re.

Matiu 13:2

Kmana naikno fara mei ne khapru faligohoni mana. Mae Jisas tei ka mola na ne saghe, eghuteuna naiknore kegra neu mata.

Matiu 14:14

Kate longa mata na, mae Jisas ne filoni kaisei nakhapru biꞌo. Aonu mana kokhoni nognadi fara ne fakelidi naikno te fogra re.

Matiu 8:1

Kate getu teke soru mae Jisas funu ka thogele na, kmana naikno fara ne leghuni mana.

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 6:33

Ne eghu ba ngau, kmana naikno ne filodi teidi mare re, eghuteuna naiknore filo glanidi mare. Aonu naiknore jifla funu ka namonodire chari ne tei ka vido aheva te tei mae Jisas na. Mare kulu au neu jare ne posa nga mae Jisas baludi nogna mae fanomhore.

Jone 11:47

Aonu, hatimare mae Farasi baludi mae pris ulure ne kilo fodudi goro mae biꞌo re ne eni kaisei faidu. Mare ne cheke eghu, “Na faꞌunhani si tahati mae ignea? Naugna mana edi kmana nafnata kofubobhoi fara.

Jone 12:18

Naugna kate nomhini thoutonu eigna kofubobhoi biꞌo te eni mana igne, naiknore ne magnahaghei fara te mei filoni mae Jisas.

Jone 12:37

Neubane edi mana kmana kofubobhoi ke uludi mae Jiu, mare theome fatutuani ni ngala mana ne mae Kraes teuna.

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Jone 2:23

Kate au teu mae Jisas Jerusalem malagna u narane Gaghamu Ghasa-Polho na, kmana naikno filodi u kofubobhoi teke edi mana re ne fatutuani ni mana.

Jone 20:30

Tutuani fara, mae Jisas neke edi kmana gloku te nolaghi ke uludi nogna mae fanomhore, te theome riso sorudi iara ka buka igne.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 6:22

Ka keha narane na, naikno teke au faleghu tekeu ka keha phile kholo na mare laseni kaisei mola kolho au tekeu jare na, eghuteuna mare neke laseni la mae Jisas gne neke theome tei baludi nogna mae fanomhore nu mare neke tei kolho thedi.

Jone 6:26

Mae Jisas ne cheke eghu ka mare, “Tutuani fara te chekeni iara ka ghotilo na. Ghotilo mei hiro ghau iara agne naugna ghotilo neke ghamu neke boho kau bret ra kolho. Nu ghotilo theome lase fakelidi kolho gaoghathodi u kofubobhoi teke edi iara ra.

Jone 6:30

Aonu, naiknore neke cheke eghu ka mana, “Edi sagho keha kofubobhoi mala fatutuani nigho ghehati. Unha glepo nate eni iagho na?