Jone 5:7 - Buka Blahi Ka Cheke Holo

⁷ Mae te fogra igne ne cheke eghu ka mae Jisas, “Mae biꞌo, iara magnahaghei teke keli nogu, nu iara theo kaisei mae te mala togho ghau te lao ka vido te kaplo teu kholo na. Leuleghu fata na iara fariuriu te mala kulu lao ka kholo na eghu, nu theome tangomana eghu naugna kaisei mae nga te kulu tei na ame iara nga eghu.”

Jone 5:7 Iomraidhean Croise

Nodi Khoje Hatimare Mae Jiu 142:4

Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.

Nodi Khoje Hatimare Mae Jiu 72:12

Mae king igne mala fakarhidi iheire te theo kaisei nodi glepo, nei iheire te kilo lao ka mana. Mana ginauna toghodi iheire te kuma nei iheire te theo kaisei naikno te toghodi.

Jone 5:2

Jare Jerusalem au kaisei kholo rhegna grengatha te kiloi mare nogna “Grengatha Sipu”. Kholo tuana mae Jiure kiloni Betsata. Rhegna kholo tuana au glima grorofe brahu.

Jone 5:3

Kmana naikno thuru ka suga tuare. Naikno igre au kmana nafnata khabru tadi. Kehare dofu, kehare lehehi ghahedire nei kehare blughu. Engel nogna Lord na soru mei leuleghu fata mala fakaploni kholo tuana.

Jone 5:4

Mae ihei ka hatimare te au khabru tagna nu kulu soru kate kaplo teu kholo na teuna, mana nake keli fapulo nogna.

Jone 5:6

Kate mei te filoni mae igne na, mae Jisas laseni mae igne fogra fabrahu funu tifa. Aonu, mae Jisas ne ghusna eghu ka mana, “Ghema, iagho magnahaghei teke keli nou sia?”

Letas Teke Riso Tei Mae Pol Ka Khiloau Rom 5:6

Ka thofno narane teke vahini God na, Kraes neke lehe mala togho ghita tahati naikno te fodu ka nakhibo. Tutuani, tahati theo noda nolaghi te mala togho ghita theda na.

Ululahu Korin 9:24

Ghotilo laseni, neubane kmana mae te chari kate fangenghele na, nu na kaisei mae ngala te hata taba na. Eghume, ghotilo te gnafa na mala loku heta ranghini God jateula te chari heta te mala hata taba ia eghu.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.