Jone 5:6 - Buka Blahi Ka Cheke Holo

⁶ Kate mei te filoni mae igne na, mae Jisas laseni mae igne fogra fabrahu funu tifa. Aonu, mae Jisas ne ghusna eghu ka mana, “Ghema, iagho magnahaghei teke keli nou sia?”

Jone 5:6 Iomraidhean Croise

Nodi Khoje Hatimare Mae Jiu 142:3

Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Profet Isaia 65:1

Lord ne cheke eghu, “Iara Lord, iara falase ghau thegu ka iheire te theome ghusna ghau iara igre. Eghuteuna iheire te theome hiro ghau iara igre nate filo ghau iara na. Ka ihei te theome tarai mei ka iara na, iara na cheke eghu, ‘Iara tarabanau kolho te mala togho ghami ghotilo na.’

Luku 18:41

“Unha te magnahagheni iagho te mala eni iara ranghi nigho na?” Mana ne cheke eghu, “Lord, iara magnahaghei teke fifilo fapulo.”

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Jone 5:5

Kaisei mae te thuru teu jare na mana fogra fabrahu nabagna tolufulu nhana finogha.

Jone 5:7

Mae te fogra igne ne cheke eghu ka mae Jisas, “Mae biꞌo, iara magnahaghei teke keli nogu, nu iara theo kaisei mae te mala togho ghau te lao ka vido te kaplo teu kholo na. Leuleghu fata na iara fariuriu te mala kulu lao ka kholo na eghu, nu theome tangomana eghu naugna kaisei mae nga te kulu tei na ame iara nga eghu.”

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.