Jone 5:16 - Buka Blahi Ka Cheke Holo

¹⁶ Aonu funu ka narane tuana, hatimare mae biꞌodi mae Jiure ne theome magnahagheini mae Jisas. Mare mei ka mae Jisas ne funu cheke faparini mana, naugna mana ne fakelini mae igne kau narane Sabat te blahi fara kau vetula na.

Jone 5:16 Iomraidhean Croise

Matiu 12:13

Aonu, mae Jisas ne cheke eghu ka mae te lehe khamegna na, “Fadodoglo sagho khamemu na!” Kate fariuriu fadodoglo teu mana khamegna na, khamegna mana tuana ghosei neke keli fapulo jateula keha khame na neu.

Nonomho Te Keli Teke Risoi Mae Mak 3:6

Aonu ka vido tuana mae Farasi gre jifla ka suga tharai na ne funu roghe baludi nogna tothoghei mae Herod, eigna puhi te mala faleheni mae Jisas.

Luku 6:11

Hatimare mae Farasi nei hatimare mae velepuhigna vetula nogna mae Moses eghu re ne thono diꞌa tadi. Mare ne cheke eghu fari thedi, “Na faꞌunhani si tahati mae Jisas gnea?”

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”

Jone 10:39

Hatimare mae Jiu neke fariuriu lokini mae Jisas, nu mana ne rikhadi mare.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Jone 5:10

Aonu, hatimare mae biꞌodi mae Jiu igre ne cheke eghu ka mae teke keli fapulo na, “Gognarogne narane Sabat. Thono blahi fara ka noda vetula tahati na te pala iagho nou khifra na kau narane Sabat gne.”

Jone 5:13

Nu mae teke keli fapulo na theome laseni mae ihei teke fakelini mana na. Naugna kmana naikno fara au tekeu ka vido tuana. Aonu mae Jisas ne megei nga ne jifla ne tei nogna.

Jone 5:15

Aonu, mae igne laseni mae Jisas ne tei cheke eghu ka mae biꞌodi mae Jiure, “Mae teke fakeli ghau iara na, nanghagna na mae Jisas!”

Jone 5:17

Nu mae Jisas ne filo glanidi gaoghathodi mare re ne cheke eghu ka mare, “Mae Kmagu iara na theome gnafa ka gloku. Eghume iara na loku la.”

Jone 5:18

Kate nomhidi mae biꞌodi mae Jiu gre cheke te edi mae Jisas igre, mare fariuriu fara te mala faleheni mae Jisas. Theome naugna te huhughuni mana vetula eigna narane Sabat na kolho, nu mana ne kiloni thegna mae Thugna God. Gaoghathogna igne mana magnahaghei te kaisei ngala balugna God.

Jone 7:21

Aonu mae Jisas ne cheke eghu ka mare, “Iara neke eni kaisei kofubobhoi ka narane Sabat ia. Eghuteuna ghotilo neke kafe jaglo nomi.

Jone 7:25

Keha naikno te au Jerusalem re ne cheke eghu, “Igne si mae teke mala fariuriu faleheni teku goro mae biꞌo ra.