Jone 4:7 - Buka Blahi Ka Cheke Holo

^7-8 Ka vido tuana hatimare mae fanomhore neke tei kokoni mana mala foli gano ka namono na. Kaisei gaꞌase gna Samaria ne mei ka seu na mala toho khoꞌu. Aonu, mae Jisas ne cheke eghu ka gaꞌase na, “Mei katha ghegu khoꞌu.”

Jone 4:7 Iomraidhean Croise

Jenesis 24:17

Mae gloku na chari ne tei ka naꞌa ne cheke eghu, “Famei katha vido khoꞌu ka botol iagho ana.”

Jenesis 24:43

Filo sagho. Iara kegra teu rhegna khoꞌu seu na ao, iara ginauna na ofoni kaisei gaꞌase majaghani gna namono igne na mei toho khoꞌu agne. Iara ginauna na cheke eghu, ‘Famei katha vido khoꞌu ka botol iagho ana mala koꞌu iara,’

Ululahu Kings 17:10

Aonu mae Elija kegra haghe ne tei Sarefat. Kate tei namo ka grengathagna namono te bara ka thina na, mana ne filoni kaisei naikno biꞌo glehe kokoi te uge gaju teuna. Eghuteuna mana ne cheke eghu ka naꞌa, “Iagho famei katha khoꞌu mala koꞌu iara.”

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Jone 4:6

Kaisei seu teke dokha mae Jekop na au ngala jare. Aonu mae Jisas lao ne gnokro soru rhegna seu tuana, naugna mana ne babaꞌo fara ka thei. Ka vido tuana jame tanhi nabotho phei fari hotei naublatha.