Jone 4:41 - Buka Blahi Ka Cheke Holo

⁴¹ Kmana naikno langau neke fatutuani ni mae Jisas naugna ka unha te chekedi mana re.

Jone 4:41 Iomraidhean Croise

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Luku 4:32

Eghuteuna kate nomhidi nogna cheke mana re, mare ne jaglo nodi fara ka nafnata farirhiu te edi mana re naugna mana farirhiu balu nolaghi.

Jone 4:40

Naiknore mei ka mae Jisas ne toreni mana mala au baludi. Aonu, mana ne au jare phia narane.

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Jone 7:46

Mae greireghigna Sugablahi gne ne cheke eghu ka mare, “Tore, ghehati theome nomhini kaisei mae te cheke ka nolaghi jateula mae igne teuna.”

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 8:12

Nu kate mei toutonuni mae Filip u Nonomho te Keli eigna mae Jisas Kraes, nei eigna u nakarha te funei frunini God na teuna, kmana nalhaꞌu nei gaꞌase teu ka namono tuana ne fatutuani ne apublahi.

Mae Khuru 8:25

Eghuteuna mae Pita ghe mae Jone ne toutonu ka naiknore glepo teke edi mae Jisas teke filodi mare re. Ke leghugna te chekeni phiamare chekegna Lord na, phiamare neke pulo Jerusalem. Kate ke pulodi na, phiamare neke sala'u ka namonodi mae Samaria re ne toutonuni u Nonomho te Keli na ka naiknore.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.