Jone 3:9 - Buka Blahi Ka Cheke Holo

⁹ Mae Nikodimas ne ghusna eghu ka mana, “Faꞌunha eghu tangomana si ignea?”

Jone 3:9 Iomraidhean Croise

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Luku 1:34

Meri ne cheke eghu ka engel na, “Faꞌunha eghu tangomana te chekeni iagho gne? Eigna iara gne theo khetogu!”

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Jone 3:4

Mae Nikodimas neke ghusna eghu ka mana, “Nu jame kaisei mae tela khomabrohi na, faꞌunha eghu ke karha si mana gnea? Naikno na theome tangomana teke fapea rumai ka thi'a idogna na mala teke karha majaghani na.”

Jone 3:8

Ghathoi sagho u nuri ia. U nuri na ghaghafa nogna u ngala ka vido aheva te magnahaghei tei na. Iagho tangomana te nomhini u naoglagna u nuri na. Nu iagho theome laseni ghaghafa mei funugna aheva ba aheva tei teuna eghu. Jateula tuana eghu naikno te karha majaghani ka nogna nolaghi Tharunga te Blahi na.”

Jone 6:52

Kate nomhidi cheke mae Jisas igre, hatimare mae Jiu ne funu diꞌa tadi ne fapholai fari thedi. Aonu, mare ne cheke eghu, “Faꞌunha tangomana si mae igne te tusu mei ka tahati thinigna na te mala ghamu na ia?”

Jone 6:60

Kmana ka naikno teke leghuni fabrahu mae Jisas igre nomhini u nafnata farirhiu igne ne cheke eghu, “U farirhiu igne thono ninhigrana fara. Ginauna theome tangomana kaisei naikno nate fatutuanidi u nafnata farirhiu igre.”