Jone 3:16 - Buka Blahi Ka Cheke Holo

¹⁶ “God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Jone 3:16 Iomraidhean Croise

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Nonomho Te Keli Teke Risoi Mae Mak 12:6

“Aonu mae funei na au kaisei mae ngala mala kuruni na. Tuana ngala thofno mae thugna te namhani fara mana na. Leghu lahu na mae funei na ne kuru teini mae thofno thugna na ka mare, ne cheke eghu, ‘Uve, mare ginauna ghatho tahuni mae thugu iara gne.’

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Jone 3:15

Aonu ihei te fatutuani ghau iara na tangomana nate athini u karha fei tifa na.”

Jone 3:18

Tutuani fara, mae ihei te fatutuani ni mae Thugna God na, God na theome fate faleheni mana. Nu mae ihei te theome fatutuani na, God la kulu fate falehenihi mana naugna mana ne theome fatutuani ni mae thofno Thugna God kaisei ngala.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.

Letas Teke Riso Tei Mae Pol Ka Khiloau Rom 8:32

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Efesus 2:4

Nu neuba, tahati nabada te lehe naugna u nakhiboda, God neke kokhoni ghita fara nei namha ghita fara.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Taetus 3:4

Neubane eghu ngau tahati, God noda mae Fakarhai na mana falalase ranghi ghita nogna nagnafa lolokeli nei namha teu ranghi ghita nogna naiknore.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Ululahu Jone 4:19

Tahati namha, naugna God neke kulu namha ghita.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.