Jone 20:2 - Buka Blahi Ka Cheke Holo

² Aonu, Meri ghosei ne chari neke pulo ka mae Simon Pita ghe keha mae fanomho te namhani mae Jisas na. Meri ne cheke eghu ka phia mare, “Ghopa re, rehati la atha fadelei thinigna noda Lord na kau gluma na. Eghuteuna, ghehati theome laseni aheva te tei lilisei rehati na.”

Jone 20:2 Iomraidhean Croise

Jone 13:23

Kaisei mae fanomho te namhani fara mae Jisas na ne gnokro rhegna mae Jisas.

Jone 19:26

Mae Jisas ne filoni idogna na. Mana jaola ne filoni nogna mae fanomho te namhani fara mana kegra teu jare na. Mana ne cheke eghu ka idogna na, “Naikno biꞌo, filoni mae ana, ghathoni mana jateula mae thumu eghu.”

Jone 20:13

Phia engel igre ne cheke eghu ka Meri, “Naikno biꞌo, tanhi unha sagho ia?” Naꞌa ne cheke eghu, “Rehati ne atha fadelei thinigna nogu Lord iara na. Nu iara theome laseni aheva te tei lilisei rehati na.”

Jone 20:15

Mae Jisas ne cheke eghu ka naꞌa, “Naikno biꞌo, tanhi unha sagho ia? Mae ihei site harini iagho gnea?” Meri gaoghathogna na ne kaisei mae greireghi nagare eghu. Aonu naꞌa ne cheke eghu ka mana, “Mae biꞌo, neke iagho nga teke atha fadelei thinigna nogu Lord na nu, ke falalase iagho aheva teke tei liliseini mana iagho na eghu, mala ke tei athani mana iara.”

Jone 20:9

Phia mae igre theome lasedi ngau grioriso te blahi teke kulu cheke eigna mae Jisas mala teke khegra fapulo kau glehe na.

Jone 21:20

Mae Pita figri ne filoni mae fanomho te namhani fara mae Jisas te mei ke leghudi phiamare na. Mana kaisei mae teke gnokro rhegna mae Jisas ka teke ghamu mare Gaghamu Ghasa-Polho na teke ghusna eghu ka mana ia, “Lord, mae ihei si nate majora nigho iagho na ia?”

Jone 21:24

Mae fanomho te chekeni mae Jisas igne iara ngala. Eghuteuna, iara ngala mae te toutonudi nei rioriso sorudi teu glepo igre. Eghuteuna tahati kafe laseni unha te toutonudi iara igre thono tutuani fara.

Jone 21:7

Eghuteuna, mae fanomho te namhani fara mae Jisas na filo glanini mae Jisas ne cheke eghu ka mae Pita, “Noda Lord ia signe!” Kate nomhini mae Pita te cheke mana igne, mana atha pohe na neke pipichi. Naugna mana neke hata koko pohe na mala loku neku. Uve, mana krofu soru lamna kholo ne longa ka mae Jisas.