Jone 20:1 - Buka Blahi Ka Cheke Holo

¹ Ghagra pasa hamerane Sade, Meri gna Makidala jifla ne tei ka gluma aheva teke lilisei mare thinigna mae Jisas na. Kate thoke lao ka gluma na, naꞌa ne filoni thina biꞌo teke fofothogna gluma na la pili fadeleihi.

Jone 20:1 Iomraidhean Croise

Matiu 27:56

Keha ka gaꞌase igre neke, Meri thaugna Makidala, Meri idodi mae Jemes ghe mae Josep, nei idodi mae Jemes ghe mae Jone, phei thugna mae Sebedi.

Matiu 27:60

Mana lilisei thinigna mae Jisas na ka nogna gluma majaghani thegna teke jou mare ka thina biꞌo na. Aonu ke leghu, mae Josep ne pili kaisei thina biꞌo mala fofotho gluma na ne tei nogna.

Matiu 27:64

Ghehati magnahaghei nigho iagho te chekedi nou mae gloku ra mala reireghi fakeli gluma tuana ghilei thoke ka fatilo narane na. Nogna mae fanomhore jame mei blau thinigna mana na. Eghuteuna mare tangomana te chaghi te cheke eghu ka naiknore, ‘Mana kela karha fapulohi.’ Chaghi tuana na diꞌa fara uluni teke eni tifa ia.”

Matiu 27:66

Aonu, mare ne kafe tei ka gluma na ne famane bibilakhi famaku thina biꞌo teke fofothogna gluma na mala theome tangomana kaisei naikno te mei blau thinigna mae Jisas. Eghuteuna mare ne lilisei keha mae soldia mala reireghi fakeli gluma na.

Matiu 28:1

Ke leghu narane Sabat, ghagra pasa hamerane Sade, Meri Makidala balugna keha Meri na repa ne tei filo ka gluma na.

Matiu 28:2

Aonu, kaisei nakheu biꞌo ne nghali ne kheu tongana gobigna lepore ka vido tuana. Eghuteuna, nogna engel Lord na ne soru mei funu kligna ne tei ka gluma na, ne pili fadelei thina biꞌo teke fofothogna gluma na ne gnokro ke kligna thina.

Nonomho Te Keli Teke Risoi Mae Mak 15:46

Mae Josep ne foli keha pohe vegha, ne hata soru thinigna mae Jisas na ka gaju fafatha na, ne pipiha ka pohe tuana. Mana ne lilisei thinigna mae Jisas na ka gluma teke jou mare kau thina tataba na. Aonu mana ne pili lao kaisei thina biꞌo mala fofothogna gluma na.

Nonomho Te Keli Teke Risoi Mae Mak 16:9

Kate karha fapulo hamerane Sade na, mae Jisas ne kulu thakle ka Meri Makidala. Thau teke brue fajifladi mana fitu naitu teke au ka naꞌa tifa ra.

Jone 11:38

Mae Jisas ne posa ka gluma na ne thono diꞌanagnafagna fara. Gluma igne mare neke jou ka thina tataba, eghuteuna kaisei thina biꞌo teke fofothogna gluma tuana.

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Jone 19:25

Naikno kegra teu rhegna gaju fafatha mae Jisas na igre: idogna mae Jisas, tahigna idogna mana na, Meri khetogna mae Klopas, nei Meri gna Makidala.

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Ululahu Korin 16:2

Leuleghu narane Sade na ghotilo te gnafa na mala lilisei fadelei keha sileni nihai teke thokeni ghotilo ka nomi gloku na mala theome ke salo ghotilo ke leghugna te posa ari iara ka ghotilo na eghu.

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.