Jone 2:9 - Buka Blahi Ka Cheke Holo

⁹ Mana gnaignami ne nongharini khoꞌu teke vuhai waen igne. Eghuteuna mana ne thofno jaglo nogna fara, naugna mana theome laseni waen te keli igne neke mei funugna aheva. Nu mae gloku teke toho khoꞌu na laseni igne. Mae biꞌo mala areꞌare gna gaghamu na ne kilo meini mae te tolaghi na,

Jone 2:9 Iomraidhean Croise

Nodi Khoje Hatimare Mae Jiu 119:100

Nogu glalase iara eigna nou vetula iagho na, uludi fara nodi glalase goro mae biꞌo re naugna iara ne leghudi nou cheke iagho re.

Matiu 27:34

Jare mae soldia gre ne tusu lao waen te ngigno balu pophoji raha mala koꞌu mae Jisas. Kate gnaignami na, mana tirogna te ko'u na.

Matiu 9:15

Mae Jisas ne cheke eghu, “Kheragna mae te mei kau gaghamu tolaghi na mare theome tangomana te diꞌanagnafa na, naugna mae te tolaghi na au baludi ngala mare. Nu narane te mala tei kokodi mae te tolaghi na kheragnare ginauna mei. Aonu ame tangomana nga mare te dangna nei diꞌanagnafa teuna eghu. Jateula tuana eghu kate au teu iara agne baludi nogu mae fanomhore, mare ginauna na theome dangna nei diꞌanagnafa eghu.”

Jone 2:8

Aonu mana ne cheke eghu ka mae glokure, “Ghotilo totoho fakasa katha khoꞌu mala atha tei ka mae biꞌo te areꞌare gna gaghamu gne.” Mare leghui chekegna mae Jisas igne ne atha ne tei katha khoꞌu teke vuhai waen na ka mae biꞌo na.

Jone 4:46

Ka vido tuana mae Jisas neke pulo ka namono Kena jare Galili, ka namono teke eni mana khoꞌu na teke vuhai u waen na ia. Kaisei mae biꞌo te loku ranghini mae King gna Rom na au jare Kapanam. Thugna mae biꞌo igne na ne fogra fara.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.