Jone 2:4 - Buka Blahi Ka Cheke Holo

⁴ Mae Jisas ne cheke eghu ka idogna na, “Ido, thosei cheke ka iara unha te mala eni gognarona, naugna nogu narane iara te mala fatakleni nogna nolaghi God na theome thoke mei ngau.”

Jone 2:4 Iomraidhean Croise

Fapea Samuel 16:10

Nu mae Devet ne cheke eghu ka phei mae thabusigna igre, mae Abisae ghe mae Joab, “Ghopa thosei nanga nomi ka puhi igne! Jame te cheke Lord ka mana mala cheke fadiꞌa ghau iara tekuna, ihei gne te au nogna nolaghi te mala lhotini mana na? Theo kolho.”

Fapea Samuel 19:22

Nu mae Devet ne cheke eghu ka phia mae thabusigna igre, mae Abisae ghe mae Joab, “Ghopa theo nomi puhi ka igne. Gognarona ghopa kegra fothini nogu gaoghatho iara na. Iara king gna Israel gognarona. Eghume te chekeni iara ka ghopa na, theo kaisei naikno na teke lehei Israel gognarona.”

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Eklesiasti 3:1

Gobigna lepo fateote'o te edi tahati ka nauthoglu igne thoke mei ka nogna thofno narane na.

Matiu 15:28

Aonu mae Jisas ne cheke eghu ka naꞌa, “Naikno biꞌo, iagho kaisei naikno fatutuani ghau iara fara! Unha te magnahagheni iagho na ginauna eni tutuani ranghi nigho.” Eghuteuna, ka vido tuanala thugna gaꞌase naꞌa na neke keli fapulo.

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Luku 2:49

Mae Jisas ne cheke eghu, “Ido, naugna unha ghopa ne hiro ghau iara? Ghopa theome laseni te keli fara te au iara ka sugagna mae Kmagu na?”

Jone 12:23

Mae Jisas ne cheke eghu ka mare, “Narane na la thoke meihi te mala hata nolaghi biꞌo iara mae teke mei funu ka God na. Eghuteuna naiknore ginauna filo meini igne ka iara.

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 2:3

Fari hoteigna gaghamu na, waen te mala koꞌu mare ka vido tuana na la gnafahi. Aonu idogna mae Jisas na ne mei cheke eghu ka mana, “Thuguo, rehati la theo waen te mala koꞌu na.”

Jone 20:13

Phia engel igre ne cheke eghu ka Meri, “Naikno biꞌo, tanhi unha sagho ia?” Naꞌa ne cheke eghu, “Rehati ne atha fadelei thinigna nogu Lord iara na. Nu iara theome laseni aheva te tei lilisei rehati na.”

Jone 20:15

Mae Jisas ne cheke eghu ka naꞌa, “Naikno biꞌo, tanhi unha sagho ia? Mae ihei site harini iagho gnea?” Meri gaoghathogna na ne kaisei mae greireghi nagare eghu. Aonu naꞌa ne cheke eghu ka mana, “Mae biꞌo, neke iagho nga teke atha fadelei thinigna nogu Lord na nu, ke falalase iagho aheva teke tei liliseini mana iagho na eghu, mala ke tei athani mana iara.”

Jone 7:30

Kate chekeni mae Jisas igne, mae Jiure ne fariuriu lokini mana. Nu theo kaisei mae ka mare tangomana te lokini mana na, naugna nogna narane mana na theome mei au.

Jone 7:6

Mae Jisas ne cheke eghu ka mare, “U thofno nogu narane iara te mala tei jare na theome mei ngau. Nu ghotilo na lelheghu kolho ka themi te tei eni unha te magnahagheni na.

Jone 7:8

Tei si ghotilo kau narane gaghamu tuana. Nu iara na theome tei gognaro, naugna u nogu narane iara te mala tei jare na theome thoke mei ngau.”

Jone 8:20

Mae Jisas neke chekedi u cheke igre ka teke farirhiudi mana naiknore kau Sugablahi na, rhegna vido mala lilisei sileni ka God naiknore. Eghuteuna, theo kaisei mae te mei lokini mae Jisas na, naugna nogna narane mana teke lilisei God na theome thoke mei ngau.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Diutronomi 33:9

Eghuteuna keha fata na, ghotilo faꞌuveni Lord neke theome nangadi idomi kmami ra, ba kherami ba thumi teu ghotilo ra. Ghotilo neke reireghini kolho nogna nhaꞌa cheke Lord.