Jone 2:16 - Buka Blahi Ka Cheke Holo

¹⁶ Mana diꞌatagna ne cheke eghu ka naikno te sabiri balhure, “Atha tei nomi gobigna lepo gre! Thosei jateula suga mala maket eghu sugagna mae Mama gne!”

Jone 2:16 Iomraidhean Croise

Profet Jeremaea 7:11

Iara filodi gobigna lepo te edi ghotilore. Ba, sugagu iara te thono blahi fara igne nodi suga mala poru mae te lase blau igre signea? Theo.

Matiu 21:12

Mae Jisas ne tei ruma ka glalabagna Sugablahi na ne filodi naikno te foifoli ka vido tuana. Aonu, mana brue fajifladi ne gnafa naikno te foifoli nei sabiri teu jare igre. Mana fapogru nodi tevo mae te tutughu sileni te mala foli takis gna Sugablahi na nei nodi mala gnokro mae te sabiri balhu te mala fafara re.

Matiu 21:13

Mana ne cheke eghu ka mare, “Ka grioriso te blahi ia, God ne cheke eghu, ‘Sugagu iara na suga mala tarai.’ Nu ghotilo ke eni suga igne mala porudi mae iheire te lase blau!”

Matiu 22:5

“Nu naiknore tirodi fanomho fakeli ka mae glokure. Mare sopa tei ne edi nodi glokure. Kaisei mae tei loku ka nogna nagare na, keha na tei hiro nogna sileni.

Nonomho Te Keli Teke Risoi Mae Mak 11:17

Ke leghugna igne mana ne farirhiudi naiknore ne cheke eghu, “Chekegna God kau grioriso te blahi na cheke eghu agne, ‘Sugagu iara na mare ginauna na kiloni suga tharai maladi naikno ka namono te gnafa ka nauthoglu igne.’ Nu ghotilo ke eni suga igne mala porudi mae iheire te lase blau re!”

Luku 2:49

Mae Jisas ne cheke eghu, “Ido, naugna unha ghopa ne hiro ghau iara? Ghopa theome laseni te keli fara te au iara ka sugagna mae Kmagu na?”

Jone 10:29

Mae Mama mae ihei neke snakre mei sipure ka iara igne mana kaisei mae biꞌo tulao. Eghume theo kaisei naikno te au nolaghi biꞌo jateula Mama teu nate mei blau fajifladi ka mae Mama re.

Jone 2:15

Aonu, mae Jisas ne horo kaisei phukri. Mana ne kafe brue fajifladi naikno, sipu nei buluka teure ka Sugablahi na. Eghuteuna, mana ne pili fapogru nodi tevo mae te mala tutughu silenire, nei tofa tafri nodi sileni re.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Jone 5:17

Nu mae Jisas ne filo glanidi gaoghathodi mare re ne cheke eghu ka mare, “Mae Kmagu iara na theome gnafa ka gloku. Eghume iara na loku la.”

Jone 8:49

Mae Jisas ne cheke eghu ka mare, “Theo, theo kaisei naitu te au ke lamnagu iara na. Iara ghatho tahuni mae Kmagu na, nu ghotilo cheke fadiꞌa ghau iara.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.