Jone 2:10 - Buka Blahi Ka Cheke Holo

¹⁰ ne cheke eghu ka mana, “Funu tifa te mei na tahati kulu tufa koba waen te keli na ka naiknore. Ke leghu, kate koꞌu fara mare waen te keli na, ame tufa nga waen te theome raꞌe keli na leghu lahu eghu sia. Nu iagho ne tathaji neu ngala waen te keli na ne ghilei thoke gognaro gne.”

Jone 2:10 Iomraidhean Croise

Jenesis 43:34

Hatimare mae gloku gre mei hata ghedi gano hatimare mae thabusigna gre ka tevo mae Josep na. Kate hata gano te mala faꞌimadi hatimare mae thabusignai igre na, mare hata fananaba kolho. Nu ghegna mae Benjamin na mare hata fabiꞌo fara naba te mala ima glima mae. Aonu mare ne ima nei ko'u nei glealeꞌa neu balugna mae Josep ne ghilei dranga.

Famane Khoje 5:1

Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.

Matiu 24:49

Aonu, mae gloku tuana ginauna funu puridi keha mae gloku te loku balugna re. Eghuteuna mana ginauna ghamu nei koꞌu eghu baludi keha naikno te khuru koꞌu koba re.

Luku 12:45

Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Mae Khuru 2:15

Mae igre theome koꞌu waen jateula te ghathoni ghotilo na eghu. Theo. Naugna ao ngala tanhi nhevai ngau hamerane gognaro gne.

Ululahu Korin 11:21

Naugna kate ima na, ghotilo te gnafa na sopai ima theome ofodi keha naiknore. Eghume kehare dranga ka waen nei keha ka ghotilo rofo kolho naugna ganore la gnafahila.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Ululahu Tesalonika 5:7

Eigna iheire te thuru, thuru bongiro, eghuteuna iheire te koꞌu dranga, koꞌu bongiro.

Thakle 17:2

Hatimare mae king te gnafa ka nauthoglu igne mare la enihi puhi te diꞌa na ka naꞌa. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌa na.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.