Jone 18:3 - Buka Blahi Ka Cheke Holo

³ Mae Judas ne batuni kaisei tothoghei mae soldia ne tei ka nagare na. Eghuteuna, mana ne hata langau balugna keha mae soldia teke kukhuru mae pris ulu nei hatimare mae Farasi. Mare ne atha juta, nei juta jeklo ba phoposa, nei keha glepo mala magra eghu baludi.

Jone 18:3 Iomraidhean Croise

Nodi Khoje Hatimare Mae Jiu 22:12

Kmana naoka mei falithui ghau iara jateula bukrei buluka te diꞌatadi ra eghu ka iara. Mare nheta fara jateula bukrei buluka di Besan ra eghu fara.

Matiu 25:1

Mae Jisas ne cheke eghu, “Ka narane leghu lahu na, nafnata puhi God te funei frunidi nogna naiknore igne jateula cheke nabadi nabotho gaꞌase te mala loku sisi ka tholaghi ia eghu. Uve, nabotho gaꞌase igre neke tei ofoni mae mala tolaghi na. Rehati ne hata nodi jutare baludi.

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Jone 18:12

Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re.

Jone 18:18

Ka bongi tuana thono rifu fara. Aonu hatimare mae gloku, nei hatimare mae soldia te reireghi gna Sugablahi na eghu ne ifu khaꞌaghi na peha neu. Mae Pita kegra peha neu jare baludi mare.

Jone 18:22

Kate cheke eghu mae Jisas na, kaisei mae te reireghi gna Sugablahi te kegra teu jare na mei ne taponi mae Jisas. Mana ne cheke eghu ka mae Jisas, “Ghema, theome tuana nafnata cheke te mala cheke tughu iagho ka mae pris ulu na!”

Jone 19:6

Kate filoni mae Jisas na mae pris ulu nei mae pulis te reireghi gna Sugablahi na mare filo lao ka mae Jisas ne eha fabiꞌo, “Tupijuruni mae tuana! Tupijuruni mae tuana!” Mae Paelat ne cheke eghu ka mare, “Athani mana si ghotilo mala tupijuruni mana themi. Naugna iara theome filoni kaisei najafra ka mana te nabagna te mala fate faleheni mana na.”

Jone 7:32

Mae Farasi re nomhidi naiknore te cheke pouporu eidi glepo te edi mae Jisas igre. Aonu mae pris ulu nei mae Farasi eghu igre ne kurudi keha mae greireghi Sugablahi na mala tei lokini mana.

Mae Khuru 1:16

“Uve, kheraguro, u cheke teke chekeni mae Tharunga te Blahi ka mae Devet eigna mae Judas tifa ia la horoghotohi gognaro na. Naugna mae Judas gne neke baubatudi mae iheire teke tei lokini mae Jisas ia.

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.