Jone 18:1 - Buka Blahi Ka Cheke Holo

¹ Kate gnafa tharai na, mae Jisas ne jifla baludi nogna mae fanomhore. Mare ne tei kasa ka glogu te kiloi Kedron. Ka keha phile glogu tuana, jare au kaisei nagare gaju. Mae Jisas ne tei jare baludi nogna mae fanomhore.

Jone 18:1 Iomraidhean Croise

Jenesis 2:15

Aonu Lord God ne hata mae ihei teke vuavuha mana igne neke liliseini ke lamnagna nagare Eden, mala tangomana mana te au jare te mala reireghini u nagare igne.

Jenesis 3:23

Aonu Lord God ne brue fajifladi repa ka nagare Eden na mala loku repa ka glose teke vuavuhadi repa God na.

Fapea Samuel 15:23

Kate jifla king Jerusalem baludi mae te leghuni mana re, naiknore ne tanhi fabiꞌo fara. Aonu king ne tei kasa ka glogu Kidron, eghuteuna naiknore leghu brou ne tei posa ka namono nagou na.

Ululahu Kings 15:13

Mana jaola ne fagnafani kavegna na ka sapegna Kuin, naugna naꞌa ne eni kaisei mumuju god gaꞌase Astarot. Eghuteuna mana ne kato soru mumuju god gaꞌase igne ne koko lao ka khaꞌaghi ka glogu Kidron.

Ululahu Kings 2:37

Jame te jifla iagho ka namono biꞌo igne, te tei kasa ka glogu Kidron ana, ghehati ginauna aknu falehe nigho, naugna nou najafra themu.”

Fapea Kings 23:12

King Josia ne paꞌe soru olta teke horo hatimare mae king di Juda ke kligna gna nogna suga king rhegna nogna chogho King Ehas tifa. Eghuteuna mana paꞌe soru olta teke horo King Manase ka phei vido faligohoni nogna Sugablahi Lord na. Mana rorhoꞌe olta igre ne tei koko ka chara ka glogu Kidron.

Fapea Kings 23:4

King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Fapea Kings 23:6

Mana hata fajifla ka nogna Sugablahi Lord na mumuju gna gaꞌase Asera igne pala ne tei ka glogu Kidron ke kosi Jerusalem ne gnubra jare. Mana hata nakrofu gna na ne toatofa ke kligna bekudi naiknore.

Fapea Kronikols 15:16

Asa ne fagnafani kavegna mana Maka igne ka nogna sape nafnakno kuin, naugna naꞌa ne eni kaisei mumuju gaꞌase god Asera. Mumuju god igne diꞌa fara ka tathagna God. Eghuteuna mana kato soru mumuju igne ne koko lao ka khaꞌaghi ka glogu Kidron.

Fapea Kronikols 29:16

Mae pris re ne tei ruma ka Sugablahi igne mala gae ka tathagna Lord. Gobigna lepo te diꞌa ka tathagna God na, mare koko fadelei. Mare lilisei glepo te diꞌa igre ka glalaba na ke kosigna Sugablahi igne. Aonu mae Livaet gre hata ne tei ka Glogu Kidron ke kosi namono.

Fapea Kronikols 30:14

Ka narane tuana, mare ne hata fajifla kmana olta mala fafara nei olta mala gahu insens teke au tafri teku Jerusalem igre ne tei koko ka glogu Kidron.

Profet Jeremaea 31:40

Eghuteuna glogu ke mata na mala koko thinidi naikno te lehe nei mala koko nakrofu khaꞌaghi, eghuteuna ka nagare ke holo Glogu Kedron te tei posa ke maghati Grengatha Hos, vido igne thofno blahi fara ka iara Lord. Eghuteuna namono igne ginauna na theo ihei nate roꞌeni ba nate goigoni ni na.”

Levitikas 2:6

Mana piphike eghuteuna tofa oliv oel tagna. Igne puhi te mala atha te mei ka iara flaoa teke eni ka famane wit.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Matiu 26:36

Mae Jisas ne tei baludi nogna mae fanomhore ka kaisei vido te kiloni Getsemani. Mana ne cheke eghu ka mare, “Gnokrou agne ka vido te tei tarai iara jare na.”

Nonomho Te Keli Teke Risoi Mae Mak 14:26

Ke leghugna igne mare koje kaisei himu ne tei ka Thogele Gaju Olivi.

Nonomho Te Keli Teke Risoi Mae Mak 14:32

Aonu mare tei ne posa ka kaisei vido te kiloi Getsemani. Mae Jisas ne cheke eghu ka nogna mae fanomhore, “Ghotilo gnokrou agne kate tei tarai iara na.”

Nonomho Te Keli Teke Risoi Mae Mak 14:42

Kegra haghe, tei noda! Filo si ghotilo, igne tela mei mae ihei nate snakre lao ghau iara ka khamedi mae te diꞌare!”

Jone 14:31

Nu iara magnahaghedi naiknogna nauthoglu igne te lase ghau iara te namhani mae Mama na. Eghume iara edi ngala unha te chekedi mae Mama mala edi iara teku mana re. “Uve, kheraguro, ghotilo kegra haghe mala tei kokoni tahati vido igne.”

Jone 18:26

Kaisei mae ka nogna mae gloku mae pris biꞌo na au jare. Mae igne kaisei mae ka vikegna mae teke kusu koko mae Pita khuligna na. Mae gloku tuana ne cheke eghu ka mae Pita, “Tuani fara, iara neke filo nigho iagho balugna mae Jisas ka nagare ia!”

Mae Khuru 21:11

Mana mei hiro ghami ghehati ne hataghu kolho nogna nhugha mae Pol na. Eigna mana magnahaghe eni kaisei fagaglana ka mae Pol, aonu mana haru nhugha na ka khamegna nei ghahegna teu thegna re ne cheke eghu, “Mae Tharunga te Blahi na ne cheke eghu, ‘Mae Jiu te au Jerusalem gre ginauna na haruni mae khotogna nhugha igne, eghuteuna mare ginauna na snakre laoni mana ka mae te theome Jiure.’ ”