Jone 15:1 - Buka Blahi Ka Cheke Holo

¹ Mae Jisas ne cheke eghu ka nogna mae fanomhore, “Iara jateula kaisei gaju te ure sisi te kelira eghu. Mae Kmagu iara na mana jateula mae greireghi gaju te ure sisi te kelira eghu.

Jone 15:1 Iomraidhean Croise

Famane Khoje 7:12

Tapa ginauna dofra hamerane boibongi, mala tei ka nagare gaju grep mala filoni glahula funu au khakla majaghani, eghuteuna sisidi re fnerhahi. Eghuteuna mala jaola filodi glahu gaju pomegranet igre la funu au sisi tagna. Ka vido igne, iara ginauna snakre ghau thegu malamu iagho.

Profet Isaia 4:2

Kate thoke mei narane tuana, nogna grege gaju Lord na ginauna kotu seke majaghani, eghuteuna nanghagna Lord na ginauna fnakno. Naiknodi Israel te au faleghu teu igre ginauna thofno keli tadi fara, naugna Lord ginauna fablahini glose igne mala vuragha kmana gano.

Profet Isaia 60:21

Ghotilo te gnafa na ginauna doglo fara ke ulugu iara, eghuteuna ghotilo ginauna khotogna fabrahu kantri igne. Iara neke lilisei ghami ghotilo ka namono igne, jateula gaju teke joꞌu iara ia eghu, eghuteuna naikno te gnafa igre ginauna cheke fakeli ghau iara eidi glepo te keli teke edi iara ra.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Profet Jeremaea 12:10

Kmana mae lida di keha kantri igre goigoni di nogu naikno iara Israel igre jateula kaisei mae te thofno goigoni nagare grep ra eghu. Nogu famane nagare iara igre mare ginauna goigoni fahui mala jateula namono nagou eghu.

Profet Jeremaea 2:21

Nu kaisei iara ngala teke lisei ghami ghotilo ka nogu glose na jateula mae ihei te joꞌu kaisei famane gaju grep te keli fara fuꞌagna na ia neku. Eghume, naugna unha si ghotilo te jateula grep nathuꞌa te raha fuꞌagna na ia teu gnea?

Profet Esikiel 19:10

“ ‘Idomi ghopa na jateula gaju grep te au kmana grege majaghani ra eghu, naugna mare ne joꞌu ka geri khoꞌu. Naꞌa famane kotu fara, eghuteuna au kmana fuꞌagna naugna ne kotu ka vido te au kmana khoꞌu.

Profet Hosia 10:1

Tifa na naiknodi Israel igre neke faghano au fakeli fara neke jateula kaisei gaju grep te ure ra neku. Kate dedei te au nodi kmana glepo na, mare neke edi kmana olta maladi mumuju god. Kate keli glose na te au ghedi kmana gano na, mare lilisei haghe thina te keli mala kilo fnaknodi mumuju god.

Profet Sekaraea 3:8

“ ‘Pris biꞌo Josua, famane fanomho mei ka iara. Eghuteuna ghotilo keha pris te loku ke parigna nogna nolaghi mana ra, ghotilo jaola mala famane fanomho mei ka iara. Ghotilo te gnafa na mala jateula fagaglanadi eghu famane glepo nate thoke mei thogheiro. Nogu mae gloku iara nanghagna Grege igne, iara ginauna falalase ka ghotilo.

Matiu 15:13

Mae Jisas neke cheke eghu, “Mae Farasi gre jateula gaju teke theome joꞌu mae Kmagu iara te au kligna ia eghu. Mana ginauna kafe rathu koko balu glathidi.

Matiu 20:1

“Narane God te funei frunidi nogna naiknore jateula te eni ka thoutonu igne eghu. Kaisei fata, mae te khotogna nagare na jifla hamerane boibongi mala hata keha naikno mala tei loku ka nogna nagare na.

Matiu 21:33

Mae Jisas ne cheke eghu ka mare, “Fanomho ka cheke naba igne. Kaisei fata, kaisei mae khoto glose na ne joꞌu kaisei nagare. Mana bara faligoho nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Nonomho Te Keli Teke Risoi Mae Mak 12:1

Ka narane tuana mae Jisas ne funu cheke ranghidi ka keha cheke naba. Mana ne cheke eghu, “Kaisei fata, kaisei mae khoto glose ne joꞌu kaisei nagare. Mana bara faligohoni nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Luku 13:6

Mae Jisas ne chekeni ka mare cheke naba igne, “Kaisei fata, kaisei mae neke joꞌu kaisei gaju fig ka nogna nagare na. Leuleghu fata na mana tei filo ka gaju fig tuana glahula au keha sisi jare, nu mana theome filoni kolho kaisei sisi tagna.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Jone 6:32

Mae Jisas ne cheke eghu ka mare, “Tutuani fara te chekeni iara ka ghotilo na. Mae Moses neke theome tusu ranghidi mae ku'emi ghotilo ra gano gna kligna na. Nu mae Kmagu iara na neke tusu ranghi ghami ghotilo u thofno gano teke mei funugna kligna na.

Jone 6:55

Naugna thinigu iara na ngala u thofno gano te tutuani na, nei u dadaragu iara na ngala u thofno khoꞌu te tutuani na.

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Ululahu Jone 2:8

Neuba, vetula igne majaghani fabrahu, jateula te filonihi ka mae Jisas Kraes nei ka ghotilo. Naugna gromno na sala'u ari, eghuteuna thofno naphae na la siasigla mei.