Jone 13:9 - Buka Blahi Ka Cheke Holo

⁹ Kate nomhidi mana cheke igre, mae Simon Pita ne cheke eghu ka mana, “Lord, iagho tangomana titihi ghahegu iara gre, eghuteuna ke leghu na iagho jaola ke titihi khamegu nei pha'ugu gre eghu.”

Jone 13:9 Iomraidhean Croise

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Jone 13:10

Mae Jisas ne cheke eghu ka mana, “Mae ihei tela kulu apu tela gaehi na mana theome tangomana teke apu thinigna tongana na. Khogla ghahegnare kolho nate titihi na. Aonu, iara na titihi ghahemu iagho gre kolho, naugna ghotilo nogu mae fanomho iara gre la kafe gaehi. Nu te chekeni iara na, ghotilo theome kafe gae.”

Jone 13:8

Mae Pita ne tirogna fara ne cheke eghu ka mae Jisas, “Lord, iagho theome tangomana te titihi ghahegu iara gre funu gognaro te haghe na.” Mae Jisas ne cheke eghu ka mana, “Uve, ghema Pita, te theome titihi iara ghahemu iagho re, iagho theome tangomana te kaisei mae nogu gloku iara na.”

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.