Jone 13:4 - Buka Blahi Ka Cheke Holo

⁴ Kate gnokro teu mare na, mae Jisas ne kegra haghe kau tevo na ne atha koko phoko brahu na. Aonu mana ne hata mamango na ne pipichi.

Jone 13:4 Iomraidhean Croise

Fapea Kings 3:11

Nu King Jehosafat ne ghusna eghu, “Theo kaisei nogna profet Lord te au agne na? Jame au teu mana agne na, tahati na tei filoni mana mala laseni gaoghathogna Lord na.” Aonu kaisei nogna komanda King Joram na ne cheke eghu, “Mae Elisa, thugna mae Safat na au agne. Tifa na mana neke loku ranghini mae profet Elija.”

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Luku 17:7

“Jame kaisei mae ka ghotilo au kaisei nogna mae gloku, mae mala joꞌu ba mae mala reireghi sipu. Kate pulo mei mae gloku na funugna ka nagare na, ba, iagho ginauna na chekeni mana mala mei ima nei koꞌu eghu ka vido tuana la?

Luku 17:8

Theome tangomana! Iagho na cheke eghu ka mana, ‘Iagho tarabana ghegu gano iara, eghuteuna pipichi nou pohe na mala ofou ghau iara kate ima nei koꞌu teu iara gne. Kate gnafa ima iara na ame ghamu nei koꞌu eghu nga iagho eghu.’

Luku 22:27

Ba, mae ihei te mae biꞌo ka ghotilo na, mae te gnokro ghamu teu igne, ba mae te hata gano te mei ka tevo gne? Ghotilo gaoghathomi na mae te gnokro ka tevo na igne ne mae biꞌo eghu. Nu iara theome jateula tuana eghu. Tutuani, iara jateula kaisei mae gloku eghu fari hoteimi ghotilo mala togho ghami ghotilo.

Jone 13:12

Kate titihi te gnafa mae Jisas ghahedi mae fanomhore, mana neke fahaghe phoko na neke gnokro pari. Aonu mana ne cheke eghu ka mare, “La laseni ghotilo unha te eni iara ka ghotilo igne?

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Ululahu Jone 3:11

Igne vetula te nomhini ghotilo tifa na: Tahati mala fari namhai.