Jone 13:11 - Buka Blahi Ka Cheke Holo

¹¹ Mae Jisas la kulu lasenihi mae ihei nate snakre laoni mana ka nogna mae naokare. Naugna igne mana ne cheke eghu, “Theome kafe ghotilo te gae na.”

Jone 13:11 Iomraidhean Croise

Jone 13:26

Mae Jisas ne cheke eghu ka mana, “Iagho ginauna filoni mae ihei nate atha ka iara te ghamu bret te titihi iara kau susupu na. Mae tuana ngala nate majora ghau iara na.” Aonu mae Jisas ne atha bret na ne titihi kau susupu na, ne tusu lao ka mae Judas Iskariot, thugna mae Simon.

Jone 13:21

Ke leghugna te chekeni igne, mae Jisas diꞌanagnafa gna fara ne funu cheke eghu ka mare, “Tutuani fara te chekeni iara ka ghotilo na. Kaisei mae ka ghotilo ginauna majora ghau iara.”

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Jone 2:25

Neubane theo kaisei naikno te cheke fajiflani kaisei glepo ka mana eidi naiknore, mana kulu lasedihi unha te au ka gaoghathodi naiknore.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Jone 18:4

Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”