Jone 13:10 - Buka Blahi Ka Cheke Holo

¹⁰ Mae Jisas ne cheke eghu ka mana, “Mae ihei tela kulu apu tela gaehi na mana theome tangomana teke apu thinigna tongana na. Khogla ghahegnare kolho nate titihi na. Aonu, iara na titihi ghahemu iagho gre kolho, naugna ghotilo nogu mae fanomho iara gre la kafe gaehi. Nu te chekeni iara na, ghotilo theome kafe gae.”

Jone 13:10 Iomraidhean Croise

Eklesiasti 7:20

Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.

Famane Khoje 4:7

Kheraguo, iagho thofno famane fara. Vido te gnafa ka thinimu iagho kolho te famane na, theo kaisei vido ka iagho te goigoni nigho.

Profet Jeremaea 50:20

Ka narane tuare, iara ginauna na theome filoni kaisei nakhibo ka iheire te au nga teu, naugna iara na atha fadelei nakhibodi naikno gre.” Igne cheke gna Lord.

Levitikas 16:26

“Mae ihei teke vahini mare te mala hata te tei nanigot igne ka Asasel ka namono nagou na, mana mala titihi nogna pohere nei apu eghu ame tangomana nga mana teke figri ke lamnagna vido aheva te au ghotilo tagna na.

Levitikas 16:28

Eghuteuna ke leghu, mare mala titihi nodi pohe re, nei apu fakeli eghu mala tangomana mare te mei lamna ka vido te au ghotilo tagna na.”

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Jone 13:9

Kate nomhidi mana cheke igre, mae Simon Pita ne cheke eghu ka mana, “Lord, iagho tangomana titihi ghahegu iara gre, eghuteuna ke leghu na iagho jaola ke titihi khamegu nei pha'ugu gre eghu.”

Jone 15:3

Ghotilo la gaehi kau farirhiu te chekedi iara ka ghotilo igre.

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.