Jone 12:2 - Buka Blahi Ka Cheke Holo

² Mare ne tarabana kaisei gaghamu malagna mae Jisas jare. Eghuteuna Mafa ne toghodi mare ka tufagna gano na. Mae Lasaros gne kaisei mae ka mae teke ima balugna mae Jisas kau tevo na.

Jone 12:2 Iomraidhean Croise

Famane Khoje 4:16

Nuri ke raru, iagho soru mei! Nuri ke mata, iagho mei ka iara! Ghopa ghaghafa mei ka nogu nagare iara, mala sisirigna na te ikotongana vido igne. Snakre kheragu iara na mei lamna ka nogna nagare na, eghuteuna snakreni mala ghamuni famane sisigna na.

Matiu 26:6

Mae Jisas au neu Betani ka sugagna mae Simon. Mae Simon gne neke leprosi tifa.

Nonomho Te Keli Teke Risoi Mae Mak 14:3

Ka narane tuana mae Jisas au neu Betani ka sugagna mae Simon, mae ihei teke thubu biꞌo tifa ka khabru te kiloni leprosi. Aonu, kate ghamu teu mare na, kaisei naikno biꞌo hata ne mei kaisei botol sedi te famane sisiri keligna nei biꞌo fara sileni gna na. Naikno biꞌo na tothora botol na ne toatofa ka pha'ugna mae Jisas na.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Luku 14:12

Ke leghugna igne, mae Jisas ne cheke eghu ka mae teke tore meini mana ka gaghamu na, “Kate ei gaghamu biꞌo iagho na, thosei tore meidi kheramu themu, ba thabusimu themu, ba vikemu themu, ba mae ihei te dedei te au rhemu themu. Naugna keha fatare mare ginauna nake tore nigho iagho mala ke ghamu baludi. Nu neuba mare nake tughu fapulo ka iagho ginauna, God thegna ginauna nake theome tughu fapulo ka iagho.

Luku 22:27

Ba, mae ihei te mae biꞌo ka ghotilo na, mae te gnokro ghamu teu igne, ba mae te hata gano te mei ka tevo gne? Ghotilo gaoghathomi na mae te gnokro ka tevo na igne ne mae biꞌo eghu. Nu iara theome jateula tuana eghu. Tutuani, iara jateula kaisei mae gloku eghu fari hoteimi ghotilo mala togho ghami ghotilo.

Luku 5:29

Ke leghugna igne, mae Livae igne ne eni kaisei gaghamu biꞌo ranghini mae Jisas ka nogna suga na. Kmana naikno te diꞌa te salo takis nei keha naikno te diꞌa langau eghu ne khapru mala ghamu baludi phiamare.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.