Jone 12:1 - Buka Blahi Ka Cheke Holo

¹ Namno narane ngau ame thokeni nga narane Gaghamu Ghasa-Polho na, mae Jisas neke pulo Betani, ka namono aheva te au mae Lasaros. Mae igne teke lehe nu ke fakakarha mae Jisas teku ia.

Jone 12:1 Iomraidhean Croise

Matiu 21:17

Aonu, mae Jisas jifla ne tei Betani ne thuru kaisei bongi jare.

Nonomho Te Keli Teke Risoi Mae Mak 11:11

Mae Jisas thoke Jerusalem, ne tei ruma ka Sugablahi na. Eghuteuna mana ne filo tafri ka gobigna lepo te au lamna re. Mana theome au raugha nu neke tei Betani baludi nabotho phei nogna mae fanomhore naugna la namo romnohi.

Luku 24:50

Mae Jisas ne batu fajifladi nogna mae fanomhore Jerusalem ne tei thoke Betani. Jare mana ne ngafa haghe khamegnare ne fablahidi mare.

Luku 7:37

Aonu, kaisei naikno biꞌo te gnognoro fara ne nomhini mae Jisas te ima teu ka suga tuana. Aonu naꞌa ne hata kaisei botol thina te fodu ka kholo te sisiri keligna.

Jone 11:1

Kaisei mae te fogra biꞌo fara nanghagna na mae Lasaros. Mana au ka namono Betani baludi Meri ghe Mafa phei greghagnare.

Jone 11:43

Ke leghugna te cheke eghu igne, mae Jisas ne eha fabiꞌo, “Lasaros, jifla mei!”

Jone 11:44

Mae teke lehe na nolo ne jifla mei ka gluma na. Nabreku pohe teke pipiha ka khamegna, ghahegna nei ka pha'ugna teku mana re ne maku neu ngala. Mae Jisas ne cheke eghu ka mare, “Hata koko ghotilo u pohe are mala snakre teini mana.”

Jone 11:55

Ka vido tuana, nodi narane biꞌo mae Jiu te mala eni gna Gaghamu Ghasa-Polho na la namohi. Eghuteuna kmana naikno mei Jerusalem funudi ka namono te au namo teu jare, te mala kulu gae ke ulugna God ame thoke mei nga narane gaghamu na.

Jone 12:12

Ka keha narane na mae Jisas ne jifla Betani mala pulo Jerusalem. Eghuteuna kmana naikno teke tei ka narane Gaghamu Ghasa-Polho na nomhini te mei mae Jisas jare na.

Jone 12:20

Keha mae Griki neke haghe la Jerusalem mala tarai ka narane Gaghamu Ghasa-Polho na.

Jone 12:9

Kmana mae Jiu teke khapru tekeu Jerusalem re nomhini te au teu mae Jisas Betani na. Aonu, mare ne tei jare theome mala tei filoni kolho mae Jisas, nu mare mala tei filoni langau mae Lasaros tekela karha fapulo na.