Jone 10:8 - Buka Blahi Ka Cheke Holo

⁸ Naikno teke kulu mei ke ulugu iara re, mare kafe jateula ngau mae nablau nei mae glalama eghu kolho. Eghuteuna u sipure tirodi fanomho ka mare.

Jone 10:8 Iomraidhean Croise

Profet Jeremaea 23:1

Lord ne cheke eghu, “Puhi biꞌo ginauna thoke mei ka mae mala baubatu te goigonidi nogu naikno iara igre. Mae igre jateula mae greireghi sipu te diꞌa te brue tafridi nogna sipu ra eghu.”

Profet Esikiel 34:2

“Maegna ka nauthoglu. Iagho tei chekeni cheke igne ka mae iheire te baubatu ka naiknodi Israel. ‘Iagho cheke ka mare te iara Lord God te cheke eghu igne: Kokhoni ghami fara ghotilo mae iheire te baubatu ka naiknodi Israel ra! Nomi gloku ghotilo na mala jateula mae ihei te reireghi sipura eghu mala reireghidi nogu naikno iara igre. Nu ghotilo theome reireghi fakelidi kolho nogu naikno iara igre. Naugna ghotilo reireghi ghami themi kolho!

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Profet Sekaraea 11:16

Glepo igne kaisei fagaglana eigna iara ginauna lilisei kaisei mae te diꞌa mala reireghi sipu mala funei frunini glose igne. Mae tuana ginauna theome reireghidi kolho sipu te tei ka vido te mala lehe tagna na, ba hirodi sipu te tei tafri. Mana ginauna theome toghodi sipu te thubu, ba tufa gano ka sipu majaghani. Nu mana ginauna aknu falehe sipu te famane mala ghamu, nei jaola atha koko tathabla dire.

Jone 10:1

Mae Jisas ne cheke eghu, “Tutuani fara te chekeni iara ka ghotilo na. Mae ihei te theome ruma ka thofno grengathagna u baradi u sipure, nu apla ka keha philei teuna, mana mae nablau nei mae glalama eghu kolho.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 10:5

Mae te theome laseni reꞌe na, reꞌe rikhani mana nei theome leghuni mana, naugna reꞌe ne theome lase fakelini u naoglagna mana na.”

Mae Khuru 5:36

Ke ghathoni si ghotilo mae Teudas ka finogha te liu ra, mana mei neke chekeni thegna te kaisei mae biꞌo fara. Eghuteuna fati gobi mae neke leghuni mana. Nu keha naiknore neke faleheni mana, eghuteuna mae teke leghuni mana re ne sopagna thei kolho. Eghume unha teke fufunu mana na, ari ne theo nafugna kolho.