Jone 10:4 - Buka Blahi Ka Cheke Holo

⁴ Ka vido te atha fajifladi mana ke kosi bara na, mana na au ke uludi mala baubatudi. Eghuteuna nogna sipu mana re na kafe leghuni mana, naugna reꞌe ne lase fakelini u naoglagna mana na.

Jone 10:4 Iomraidhean Croise

Famane Khoje 2:8

Fanomho mei! Iara nomhini kheragu na. Filo! Mana la mei! Mana chari la mei ke kligna thogele, ghosei leghu gukhu la mei.

Famane Khoje 5:2

Kate thuru na, iara mala ghathoni kolho kheragu na. Iara mifini te filoni mana, te kikidi mei ka nogu grengatha iara na. Fanomho mei! Mana eha mei eghu ka iara, “Kheraguo, tora grengatha! Iagho thofno famane fara filomu na, eghuteuna iagho thofno keli. Snakre ghau mala mei lamna. Phaꞌugu iara na bothu ka khoꞌu bongiro, eghuteuna khaklagu re bothuhi tagna.”

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Jone 10:5

Mae te theome laseni reꞌe na, reꞌe rikhani mana nei theome leghuni mana, naugna reꞌe ne theome lase fakelini u naoglagna mana na.”

Jone 10:8

Naikno teke kulu mei ke ulugu iara re, mare kafe jateula ngau mae nablau nei mae glalama eghu kolho. Eghuteuna u sipure tirodi fanomho ka mare.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Jone 13:15

Iara eni glepo igne ka ghotilo mala filo leghuni ghotilo, mala eni ghotilo jateula teke eni iara ia eghu.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Ululahu Korin 11:1

Eghume ghotilo mala leghuni puhigu iara na, jateula iara te leghuni kolho puhigna Kraes na.

Efesus 5:1

Ghotilo goro thugna God, eigna mana namha ghami ghotilo. Eghume ghotilo mala leghudi puhigna mana re.

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Hibru 6:20

Naugna mae Jisas la kulu arihi jare malada tahati. Mana mala kaisei mae pris biꞌo jateula mae Melkisedek eghu, eghuteuna mana ginauna mae pris biꞌo fabrahu tifa tifa.

Ululahu Pita 2:21

God neke kilo ghamihi mala eni igne, naugna mae Kraes neke papara fara mala fakarha ghami ghotilo. Mana neke falalase ka ghotilo nogna puhi na mala leghuni ghotilo ginau.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.