Jone 10:16 - Buka Blahi Ka Cheke Holo

¹⁶ Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Jone 10:16 Iomraidhean Croise

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Eklesiasti 12:11

Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Isaia 43:6

Iara ginauna chekedi naikno te au ke raru ra, mala snakredi thugu iara ra mala ke pulo mei ka iara, eghuteuna naikno te au ke mata ra mala thosei lhotidi ka iara. Mare ginauna batudi thugu nalhaꞌu nei gaꞌase teu iara te au ka vido te khaba ka khukrugna nauthoglu igne mala ke pulo mei ka iara.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Profet Isaia 56:8

Iara nhaꞌa cheke eigna ginauna iara na atha mei keha naikno mala loku fodu baludi nogu naikno iara igre.” Igne chekegna Lord mae ihei teke atha fajifla ghami ghotilo naiknomi Israel ka kantri aheva teke tei sosolo ghotilo ia.

Profet Esikiel 34:12

Eghuteuna iara ginauna na jateula mae te reireghi fakelidi nogu sipura eghu nake hata fodu meidi. Iara ginauna tei hirodi teke rikha ka narane te ninhigrana nei puhi biꞌo teku teke tei au tafri ka keha kantri delei ra. Uve, iara ginauna nake hata fapulo meidi.

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Profet Esikiel 34:6

Nogu sipu iara igre tei tafri ke kligna gukhu ba ke kligna thogele. Reꞌe tei tafri ka vido te gnafa ka nauthoglu igne, nu theo kaisei naikno te tei te hirodi, ba fariuriu filodi.

Profet Esikiel 37:22

Eghuteuna iara ginauna na salo fodudi mala kaisei naikno ngala mare ka namono igne. Eghuteuna mare ginauna salo fodu phei kantri igre mala kaisei ngala. Eghuteuna mare ginauna au kaisei nodi king ngala te mala funei frunidi mare na.

Profet Esikiel 37:24

“ ‘Iara ginauna vahini kaisei mae ka vikegna nogu mae gloku iara King Devet mala kaisei mae king biꞌo, eghuteuna mana ginauna reireghi fakelidi mare jateula mae ihei te reireghi fakelidi nogna sipu ra eghu. Eghuteuna mare ginauna leghu fakelidi nogu vetula nei nogu cheke teu iara re.

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Sekaraea 2:11

Ka narane tuana kmana naikno ka keha kantri are ginauna mei ka iara Lord mala loku fodu balumi ghotilo nogu naikno iara ra, eghuteuna iara ginauna au balumi ghotilo gnafa.” Ka puhi igne, ghotilo ginauna lase ghau iara Lord mae ihei te au nolaghi fateote'o igne te kuru mei ghau iara ka ghotilo na.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Luku 15:8

Eghuteuna mae Jisas ne cheke eghu, “Ba, jame kaisei naikno biꞌo au nabotho sileni eghuteuna dofi kaisei, naꞌa ginauna fakasa juta nei haglu suga na eghu. Naꞌa na famane hiro ka suga na ghilei filo deni.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Jone 10:2

Eghuteuna mae ihei te ruma kau thofno grengatha na igne ngala mae thofno greireghidi u sipure.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Jone 10:4

Ka vido te atha fajifladi mana ke kosi bara na, mana na au ke uludi mala baubatudi. Eghuteuna nogna sipu mana re na kafe leghuni mana, naugna reꞌe ne lase fakelini u naoglagna mana na.

Jone 10:5

Mae te theome laseni reꞌe na, reꞌe rikhani mana nei theome leghuni mana, naugna reꞌe ne theome lase fakelini u naoglagna mana na.”

Jone 11:52

Eghuteuna mae Jisas theome mala lehe tughudi kolho mae Jiu gre, nu mana jaola maladi nogna naikno God te au heva heva ka namono te kmana ka nauthoglu igne. Mana mala hata fodu meidi mala ke kaisei tothoghei ngala mare.

Jone 17:20

“Iara theome taraidi kolho mare, nu iara taraidi langau iheire te gnafa nate fatutuani ghau iara ginauna kate nomhidi nodi cheke mae igre.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Mae Khuru 15:14

Mae Simon la toutonuhi ka tahati eigna nogna namha God ranghidi iheire te theome Jiu. God na la kulu vavahi keha naikno igre mala nogna thegna.

Mae Khuru 18:10

Naugna iara au balumu iagho. Theo kaisei naikno nate fakabru nigho na, naugna kmana naikno ka namono igne nogu iara.”

Mae Khuru 22:14

“Mae Ananias ne cheke eghu ka iara, ‘Nodi God mae ku'edara neke kulu vahi nighohi tifa, mala laseni iagho unha te magnahagheni mana na, nei mala filoni iagho mae te kiloni “Mae gloku te doglo fara” nei mala nomhidi iagho nogna cheke te cheke mei ka iagho ra.

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Ululahu Pita 2:10

Tifa na ghotilo neke theome nogna naikno God, eghuteuna God neke theome kokhoni ghami ghotilo. Nu gognaro na ghotilo nogna naikno mana eghuteuna mana kokhoni ghami ghotilo fara.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.