Jone 10:12 - Buka Blahi Ka Cheke Holo

¹² Te mae gloku kolho mana te theome khotodi mana sipure, mana tangomana te rikha kokodi u sipure kate filoni mana te mei khuma fakaukathu na. Aonu khuma fakaukathu igne ginauna mei hata kehare, eghuteuna keha sipure na rikha tafri.

Jone 10:12 Iomraidhean Croise

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Jone 10:13

Mana na rikha kokodi sipure, naugna mana mae gloku kolho. Nu mana theome thofno nangadi u sipure.

Jone 10:2

Eghuteuna mae ihei te ruma kau thofno grengatha na igne ngala mae thofno greireghidi u sipure.

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Ululahu Timoti 3:8

Mae ihei te mala totogho ka khiloau na, mana jaola mala batuni nakarha te keli na. Mana theome mala chaichaghi, ba koꞌu waen fara, ba loku mala hata sileni kolho.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Taetus 1:7

Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.