Jone 10:1 - Buka Blahi Ka Cheke Holo

¹ Mae Jisas ne cheke eghu, “Tutuani fara te chekeni iara ka ghotilo na. Mae ihei te theome ruma ka thofno grengathagna u baradi u sipure, nu apla ka keha philei teuna, mana mae nablau nei mae glalama eghu kolho.

Jone 10:1 Iomraidhean Croise

Profet Jeremaea 14:15

Eghume, igne unha te chekeni iara Lord eidi mae profet te toutonu chaichaghi ka nanghagu iara na igre: Iara neke theome kuru meidi mae igre, nu mare chekeni koba narane mala magra nei narane mala theo gano teuna na theome mei ka ghotilo ka namono igne teuna. Nu te chekeni iara ka iagho na, keha ka mae profet igre ginauna lehe ka magra, eghuteuna kehare ginauna lehe ka grofo.

Profet Jeremaea 23:21

Lord ne cheke eghu, “Iara neke theome kuru meidi mae profet igre. Eghuteuna Iara jaola neke theome chekeni kaisei cheke te mala toutonu mare na, nu mare toutonuni kolho nodi cheke thedi te chaichaghi re.

Profet Jeremaea 23:32

Uve, iara jaola theome magnahaghedi mae profet chaichaghi te toutonu eidi mifi te fodu ka chaichaghi igre. Mare toutonu eidi kmana chaichaghi biꞌo, eghuteuna batu fadeleidi nogu naikno iara re. Iara neke theome kurudi nei theome vahidi neku mae profet igre. Mae profet chaichaghi igre theome toghodi nogu naikno iara re.” Igne chekegna Lord.

Profet Joel 2:9

Theome raugha meidi te apla ka gringni na te ruma goigoni ni namono na. Rehati apla ka sugare, eghuteuna ruma ka widare jateula mae te blau ra eghu.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Jone 10:7

Mae Jisas neke cheke eghu ka mare, “Tutuani fara te chekeni iara ka ghotilo na. Iara gne jateula ngau u grengatha eghu mala rumadi u sipure.

Jone 3:3

Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Hibru 5:4

Kaisei glepo te mala ghathoni tahati na, theo kaisei naikno te vahini thegna te mala mae pris biꞌo na. Nu thegna God ngala te tangomana te mala vahini mae ihei te mala mae pris biꞌo na, jateula ngau God teke vahini mae Eron tifa ia eghu.

Ululahu Pita 1:10

Hatimare mae profet re neke hiro fakelini nei fariuriu mala laseni eigna u nakarha igne tifa na. Mare neke cheke eigna u khokofakasai nate hata ghotilo ginauna.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.