Jone 1:51 - Buka Blahi Ka Cheke Holo

⁵¹ Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Jone 1:51 Iomraidhean Croise

Jenesis 28:12

Kate thuru teu mana jare na, mana ne mifi ne filoni kaisei glalako funu pari posa kligna. Eghuteuna mana ne filodi nogna tothoghei engel God re ne haghe nei soru neu ka glalako igne.

Profet Esikiel 1:1

Iara mae Esikiel, thugna mae Busi, eghuteuna iara kaisei mae pris. Ka falima narane ka fafati nhigra ka fatolufulu finogha, God neke tothora maloa na neke fakakhana ka iara keha glepo ka mifi. Ka narane tuana, iara au neu ka geri Khoꞌu Keba ka kantri Babilonia baludi keha naikno teke hata mare teke jifla kokodi nodi namonore teke mei au Babilonia.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Matiu 26:24

Iara mae teke mei funu ka God na ginauna lehe jateula te chekeni ka grioriso te blahi ia eghu. Nu kokhonini fara mae ihei nate snakre lao ghau iara ka khamedi nogu naoka iara re. Nabagna na mae tuana jame neke theome karha ngala, naugna mana naꞌau papara fara!”

Matiu 3:16

Ke leghugna te apublahi na, mae Jisas ne daka mata kau khoꞌu na. Ka vido tuanala, maloa na ne thora ranghini mana, eghuteuna mana ne filoni Tharungagna God na ne soru mei jateula kaisei balhu neu ne thoti ke kligna gna mana.

Matiu 4:11

Aonu, Satan ne tei kokoni mae Jisas. Eghuteuna nogna engel God re mei ne toghoni mae Jisas.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 9:6

Nu gognarona iara na falase arini ka ghotilo, iara mae teke mei funu ka God na au nolaghi ka nauthoglu igne te mala hata fadeleidi nakhibore!” Aonu, mae Jisas ne cheke eghu ka mae te blughu na, “Kegra haghe, hata nou khifra na tei ka sugamu na!”

Nonomho Te Keli Teke Risoi Mae Mak 1:10

Ke leghugna te apublahi na, mae Jisas te thagra haghe kau khoꞌu na, mana ne filoni maloa na ne thora, eghuteuna mae Tharunga te Blahi na ne soru mei ke kligna gna mana jateula kaisei balhu neu.

Nonomho Te Keli Teke Risoi Mae Mak 14:62

Mae Jisas ne cheke eghu ka mana, “Uve, iara ngala. Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara na mei ke kligna grokho ka maloa.”

Luku 2:13

Eghuteuna kaisei tothoghei engel gna kligna ghosei ne mei ne salo fodu balugna engel au tekeu jare na ne kafe koje kilo fnaknoni God, ne cheke eghu,

Luku 2:9

Kaisei engel nogna Lord megei nga kegra neu ke uludi mare, nei nogna nolaghi biꞌo Lord na ne sigla faligohodi mare. Eghuteuna hatimare ne mhaghu nodi fara.

Luku 22:43

Eghuteuna kaisei engel funugna kligna mei ne thakle ka mana mala toghoni mana.

Luku 22:69

Nu funu gognarogne, iara mae teke mei funu ka God na ginauna gnokro fei nhetagna God mae te nolaghi.”

Luku 24:4

Kate ghathoni eigna igne teu reꞌe na, phei mae te fahaghe phoko siasigla megei nga ne kegra neu rhedi reꞌe.

Luku 3:21

Kaisei fata, ame sosolo nga mae Jone Apublahi teku na, mae Jone ne faꞌapublahidi naiknore. Mae Jisas ne mei apublahi langau ka mana. Ka vido te tarai mae Jisas na, maloa na ne thora,

Jone 1:50

Mae Jisas ne cheke eghu ka mae Natanel, “Iagho fatutuani ghau iara naugna te cheke nigho iara neke filo nigho ke parigna gaju fig na teu ia. Nu iagho ginauna filoni glepo ke biꞌogna ignei!”

Jone 10:1

Mae Jisas ne cheke eghu, “Tutuani fara te chekeni iara ka ghotilo na. Mae ihei te theome ruma ka thofno grengathagna u baradi u sipure, nu apla ka keha philei teuna, mana mae nablau nei mae glalama eghu kolho.

Jone 10:7

Mae Jisas neke cheke eghu ka mare, “Tutuani fara te chekeni iara ka ghotilo na. Iara gne jateula ngau u grengatha eghu mala rumadi u sipure.

Jone 13:16

Tutuani fara te chekeni iara ka ghotilo na. Mae gloku na theome tangomana te uluni nogna mae funei na. Eghuteuna jaola mae khuru na theome uluni mae ihei teke kuru meini mana na.

Jone 13:38

Mae Jisas ne cheke eghu ka mae Pita, “Ba, iagho na lehe tutuani ranghi ghau iara sia? Tutuani fara te chekeni iara ka iagho na. Ame tanhi nga khokorako na teuna, iagho na thilo fata chekeni ne iho ghau iara teuna.”

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.

Jone 16:23

Kate filo ghau iara ka narane tuana, ghotilo ginauna theome toreni kaisei glepo ka iara. Tutuani fara te chekeni iara ka ghotilo na. Mae Mama ginauna tusu ari ka ghotilo unha te toreni ghotilo ka nanghagu iara na.

Jone 21:18

Mae Jisas ne cheke eghu ka mae Pita, “Tutuani fara, te chekeni iara ka iagho na. Kate mae majaghani teu iagho na, iagho neke haru famaku themu nou nhugha na neke tei ka vido aheva te magnahaghei tei iagho na. Nu, kate mae khueku'e na, iagho na fadodoglo phia khamemu are, eghuteuna keha naikno delei nate haru famaku nigho te hata nigho te tei ka vido aheva iagho te theome magnahaghei tei na.”

Jone 3:3

Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Jone 5:19

Mae Jisas ne cheke eghu ka mae biꞌodi mae Jiure, “Tutuani fara te chekeni iara ka ghotilo na. Iara mae Thugna God na, theome tangomana te eni kaisei glepo leghuni u gaoghathogu thegu na. Iara edi kolho unha glepo teke filodi thegu te edi mae Mama re. Eghuteuna unha te edi mae Mama re tuare ngala te edi la iara re.

Jone 5:27

Eghuteuna mae Mama neke tusu ranghi ghau iara u nolaghi te mala fate na, naugna iara neke mei funu ka mana.

Jone 6:26

Mae Jisas ne cheke eghu ka mare, “Tutuani fara te chekeni iara ka ghotilo na. Ghotilo mei hiro ghau iara agne naugna ghotilo neke ghamu neke boho kau bret ra kolho. Nu ghotilo theome lase fakelidi kolho gaoghathodi u kofubobhoi teke edi iara ra.

Jone 6:32

Mae Jisas ne cheke eghu ka mare, “Tutuani fara te chekeni iara ka ghotilo na. Mae Moses neke theome tusu ranghidi mae ku'emi ghotilo ra gano gna kligna na. Nu mae Kmagu iara na neke tusu ranghi ghami ghotilo u thofno gano teke mei funugna kligna na.

Jone 6:47

Tutuani fara te chekeni iara ka ghotilo na. Mae ihei te fatutuani ghau iara na, mana na athini u karha fei tifa na.

Jone 6:53

Mae Jisas ne cheke eghu ka mare, “Tutuani fara te chekeni iara ka ghotilo na. Te theome ghamuni ghotilo thinigu iara na nei theome ko'uni dadaragu iara mae teke mei funu ka God na teuna ghotilo ginauna theome athini u thofno karha na!

Jone 8:34

Mae Jisas ne cheke eghu ka mare, “Tutuani fara, te chekeni iara ka ghotilo na, iheire te loku jafra ka nakhibo na, naikno tuare sneka ka nakhibo.

Jone 8:51

Tutuani fara, te chekeni iara ka ghotilo na, mae ihei te leghuni chekegu iara na, mana ginauna theome lehe tifa e tifa.”

Jone 8:58

Mae Jisas ne cheke eghu ka mare, “Tutuani fara, te chekeni iara ka ghotilo na, ka narane theome karha nga tekeu mae Ebraham na, iara neke kulu auhi!”

Mae Khuru 10:11

Mana ne filoni te thora u maloa na, eghuteuna kaisei glepo ne soru mei pari. Fifilogna na jateula kaisei pohe biꞌo te loku naikno ka fati khukrugnare te farurhu soru ra eghu.

Mae Khuru 7:56

Aonu mae Stivin ne cheke eghu, “Fanomho! Iara la filonihi grengathagna kligna na la thora. Eghuteuna iara filoni mae teke mei funu ka God na kegra fei nhetagna God!”

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Letas Teke Rioriso Mae Jud 1:14

Mae Inok teke karha ka fafitu phagusu ke leghugna mae Adam na neke kulu laseni unha nate eni ka mae igre. Eghuteuna mana neke cheke eghu eidi mare, “Filo si ghotilo, Lord ginauna mei balu nogna thogha thogha engel te blahi.

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”