Jone 1:21 - Buka Blahi Ka Cheke Holo

²¹ Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Jone 1:21 Iomraidhean Croise

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Matiu 11:14

Nu te fatutuanidi ghotilo unha te chekedi mare igre, keli fara, ghotilo laseni mae Jone Apublahi gne ngala teke chekeni mae profet tifa ra, mae Elija na nake pulo mei tekunia.

Matiu 16:14

Mare ne cheke eghu ka mana, “Keha naiknore te chekei na iagho mae Jone Apublahi, eghuteuna keha naiknore te chekei na iagho mae profet Elija. Keha naiknore te chekeni na iagho mae profet Jeremaea, ba kaisei mae ka hatimare mae profet di tifa ra.”

Matiu 21:11

Naiknore ne cheke eghu, “Jisas, profet gna Nasaret ka nohi Galili.”

Luku 1:17

Mana ginauna mala kulu tei ke ulugna Lord, eghu ka nogna nanheta nei nolaghi eghu God na mana jateula ngau mae profet Elija eghu. Mana mala loku fodudi mae kmadire ka mae thudire. Mana mala ke hata fapulodi iheire teke tutufu kau nabrou gaoghatho te doglo. Jaola, mana mala kulu tarabana naiknore malagna God.”

Jone 1:22

Eghuteuna, hatimare ne cheke eghu ka mana, “Teuna, mae ihei eghu sagho ia? Famane cheke fakeli sagho eimu themu na mala ke pulo toutonu ghehati ranghidi mae teke kuru mei ghami ghehati ra. Ba, unha eghu iagho cheke eimu themu na?”

Jone 1:25

mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 7:40

Keha naiknore nomhidi glepo te chekedi mae Jisas igre ne cheke eghu, “Tutuani fara, mae igne ngala thofno mae profet biꞌo te ofoni tahati na.”