Jone 1:11 - Buka Blahi Ka Cheke Holo

¹¹ Mana mei au ka nogna namono thegna na. Nu nogna naikno thegna mana re theome keli tadi ngala ka mana.

Jone 1:11 Iomraidhean Croise

Matiu 15:24

Mae Jisas ne cheke eghu, “God neke kuru mei ghau iara mala mei fakarhidi naiknodi Israel gre kolho, naugna mare jateula sipu te theo greireghidi ra eghu.”

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’

Jone 1:10

Mana la auhi ka nauthoglu igne, nu neuba God neke vahini mana neke vuavuha nauthoglu igne, naiknogna nauthoglu igne theome laseni ngala mana.

Jone 1:12

Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God.

Jone 19:27

Aonu mana neke cheke eghu ka nogna mae fanomho tuana, “Filoni thau ana, ghathoni naꞌa jateula idomu eghu.” Funu ka narane tuana, mae fanomho igne ne tathalei idogna mae Jisas na ne tei ka sugagna na ne tajini.

Jone 3:32

Mana toutonu ranghidi naiknore eidi unha glepo biꞌo teke filodi nei nomhidi teu thegna re, neubane eghu ngau theo kaisei naikno te magnahaghei fatutuanidi unha te chekedi mana re.

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 21:6

Ghehati ne kafe kubae eghuteuna tei ka vaka na. Aonu naikno khiloau re neke pulo ka sugadire.

Letas Teke Riso Tei Mae Pol Ka Khiloau Rom 15:8

Te chekeni iara ka ghotilo na, Kraes neke eni nogna gloku na mala toghodi mae Jiu, mala farerheta nogna nhaꞌa cheke God teke eni mana ka mae ku'edi mae Jiure ne tutuani.

Letas Teke Riso Tei Mae Pol Ka Khiloau Rom 9:1

Iara cheke kate tutuani fara, naugna iara nogna naikno Kraes. Eghuteuna Tharunga te Blahi te au ke balugu iara na funei frunini gaoghathogu iara na. Mana na cheke faheta ka gaoghathogu iara na eidi cheke nate edi iara gre tutuani fara.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.