Jone 1:1 - Buka Blahi Ka Cheke Holo

¹ Tifa na, mae te kiloi “Chekegna God” gne neke kulu auhi. Mana neke kulu auhi balugna God, nei mana kaisei ngala balugna God.

Jone 1:1 Iomraidhean Croise

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Luku 24:53

Leuleghu fata na mare au fabrahu ke lamna Sugablahi, eghuteuna mare ne theome gnafa te kilo fnaknoni God.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Jone 1:2

Funu tifa ka vuvuhagna na mae “Chekegna God” gne neke auhi balugna God.

Jone 16:28

Uve, iara neke mei funu ka mae Mama kau nauthoglu igne. Eghuteuna gognarona iara nake jifla kokoni nauthoglu igne mala ke pulo ka mae Mama.”

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 8:58

Mae Jisas ne cheke eghu ka mare, “Tutuani fara, te chekeni iara ka ghotilo na, ka narane theome karha nga tekeu mae Ebraham na, iara neke kulu auhi!”

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Efesus 3:9

Eghuteuna mana vahi ghau iara mala toghodi naikno te gnafa gre mala filo glanini nagnafagna God eigna nogna gaoghatho poru igne. Tifa na, God mae ihei teke vuavuhadi nauthoglu ghe maloa gre neke theome snakredi naiknore mala laseni unha te ghathoni mana na.

Filipae 2:6

Neuba mae Kraes ne kaisei ngala balugna God, mana neke theome loku famaku ka puhi te kaisei ngala balugna God na.

Kolose 1:15

Mae Kraes gne thofno thotoghale gna God mae ihei tahati te theome filoni na, nei thofno Thugna God, pha'udi glepo vuavuha fateo.

Kolose 1:17

Mae Kraes neke kulu au ke uludi gobigna lepore, eghuteuna ka nogna nolaghi mana te loku fodudi gobigna lepore.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Hibru 7:3

Tahati theome lasedi idogna nei kmagna teu mae Melkisedek re. Nei theola kaisei thoutonu eigna vikegna mana na. Nei tahati theome lase nila niha teke karha mana na, ba niha teke lehegna na. Eghume mana jateula te thugna God eghu mala mae pris fabrahu tifa tifa.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 5:7

Thiloi igre mala cheke eigna mae Jisas:

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Thakle 19:13

Eghuteuna pohe te pipichi mana na bothu ka dadaradi nogna naoka teke tapla sorudi kau magra na. Mare kiloni mae igne nanghagna na, “Chekegna God.”

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Thakle 22:13

Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.