Jenesis 8:1 - Buka Blahi Ka Cheke Holo

¹ God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Jenesis 8:1 Iomraidhean Croise

Jenesis 19:29

Aonu kate roꞌedi te gnafa namono teke au ka sare na igre, God neke ghathoni unha teke toreni mae Ebraham eidi naikno te doglo ra ne fakarhi ni mae Lot. Nu mana ne roꞌeni namono aheva teke augna mana na.

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Jenesis 9:10

Eghuteuna iara na jaola eni nhaꞌa cheke igne ranghidi glepo te karha te gnafa teke jifla balumi ghotilo ka vaka na are.

Nehemaea 13:14

Nogu God, ghatho ghau nei thosei ghatho ihodi unha gloku te keli te edi iara ka nou Sugablahi igne, nei iara fadoglidi puhi te mala tufru soru nigho iagho.

Nehemaea 13:22

Iara cheke ka hatimare mae Livaet mala tei fagaedi thedi ka tathagna God. Gnafa teuna, mae Livaet mala reireghi grengatha igre tei ne filo ka grengatha tuare, mala laseni naiknore te leghu fakelini vetulagna narane Sabat gne ba theo. Nogu God, naugna glepo igne iara jaola ne eni igne, ghatho ghau nei keli ranghi ghau eghu iara, naugna iagho ne ghatho tahu ghau iara fara.

Nehemaea 13:29

Nogu God, ghathodi sagho puhidi mare te diꞌa igre, naugna mare ne ei fadiꞌa nogna gloku pris na, eghuteuna mare ne goigoni u nhaꞌa cheke teke eni iagho baludi mae pris nei mae Livaet.

Nehemaea 13:31

Iara chekedi naiknore mala hata mei gaju mala gahu fafara ka soasopai narane ka finogha na mala loku mae igre. Eghuteuna iara chekedi naiknore mala hata mei gano saro ulu ka nodi nagare re, mala fei ghedi mae pris nei mae Livaet nei keha glepoi langau eghu te nabadi mare. Nogu God, ghatho ghau nei keli ranghi ghau eghu.

Thoutonu Eigna Mae Job 12:15

Jame te loku fapulo mana nakhete na, nauthoglu igne ginauna na jateula kaisei namono nagou eghu na theo khoꞌu. Eghuteuna jame te snakredi mana khoꞌu biꞌo gre te britha na, ginauna na goigonidi gobigna lepore.

Thoutonu Eigna Mae Job 14:13

“Te keli fara na iagho jame pophoru ghau iara ka nodi namono mae te lehe ra. Mala poru iara ka namono igne ghilei thokeni narane te gnafagna diꞌatamu iagho na. Eghuteuna iagho lilisei narane te mala au iara ka namono igne eghuteuna thosei ghatho iho ghau.

Nodi Khoje Hatimare Mae Jiu 105:42

Lord na theome ghatho ihoni nogna nhaꞌa cheke te blahi teke eni tifa ka mae nogna gloku Ebraham.

Nodi Khoje Hatimare Mae Jiu 106:4

Lord God, ghatho ghau ka vido te mei iagho te toghodi nou naiknore. Uve, ka vido te mei iagho te mala fakarhidi re, iagho jaola mei fakarhi ghau iara.

Nodi Khoje Hatimare Mae Jiu 115:12

Lord na ghatho ghita fabrahu, nei mana ginauna fablahi ghita tahati. Uve, mana ginauna fablahi ghita tahati naiknoda Israel nei hatimare nogna mae pris.

Nodi Khoje Hatimare Mae Jiu 132:1

Lord God, ghathoni sagho nakarha te ninhigrana tela au telau mae king Devet ke lamnagna igne.

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Nodi Khoje Hatimare Mae Jiu 137:7

Lord God, ghathodi sagho glepo te diꞌa te cheke meidi ka ghehati naiknodi Idom gre, ka narane teke mei mae Babilon teke magra ka ghehati Jerusalem ia. Naiknodi Idom gre neke cheke eghu fabrahu, “Paꞌe soru namono biꞌo tuana, paꞌe soru pari!”

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Nodi Khoje Hatimare Mae Jiu 36:6

Puhimu iagho te doglo na ke tulaogna tuanai, thono haghe fara jateula thogele are eghu, puhimu iagho te mala fateni naikno ne soru pari fara jateula nhorora te mamhara eghu. Lord, naikno nei hose nei buluka, nei bosu mhata, nei saba, nei nanghaji teu igre au ka khamemu iagho.

Eksodas 14:21

Aonu mae Moses ne tusu lao khamegna na ke kligna thongna, eghuteuna Lord ne fameini kaisei nuri biꞌo ke maghati ne nuri fabrahu bongi thongana na ne ghilei fnota pea thongna na ne khapra vido teke mamhara na.

Eksodas 15:10

Nu, kate diꞌatamu fara na, iagho neke kaisei fata phanga lao kolho, eghuteuna thongna na ne mei toku tafrudi mae Ijep ra ne kafe plulu pari jateula thina neu ka nhorora gno.

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Proveb 25:23

Khoburu na hata mei nakhete, buiburi na hata mei diꞌatada.

Profet Isaia 44:27

Kate cheke iara na, nhorora nei khoꞌu biꞌo teu igre ginauna krango dofidi.

Profet Jeremaea 50:38

Iara ginauna theome snakreni nakhete na mala soru mei! Khoꞌu biꞌo te gnafa nei glokha te gnafa teu igre ginauna na kafe krango. Iara ginauna edi glepo igre ka mare, naugna kantri igne nodi namono god te chaichaghi te fanolidi nagnafadi naikno igre.

Profet Emos 8:7

Ghotilo naiknomi Israel! Lord, nodi God mae Israel, mana la nhaꞌa chekehi ka nogna nafnakno biꞌo thegna ne cheke eghu, “Iara ginauna na theome ghatho ihodi glepo te diꞌa teke edi ghotilo ra.

Profet Jona 4:11

Gaju te kokhoni nouni iagho igne thono ikoi fara. Nu namono Ninive igne thono biꞌo fara, salaꞌuni kaisei gobi varadaki thogha naikno te au tagna na. Gaoghathodire jateula sua te theome laseni unha te keli ba unha te diꞌa teura eghu, eghuteuna kmana buluka jaola au ke lamnagna namono biꞌo igne. Ba, te ghathoni iagho na theome naba iara te mala kokhonidire?”

Profet Nahum 1:4

Kate cheke mana ka thongna na, thongna na ginauna moja. Mana jaola tangomana te cheke ranghidi khoꞌure mala moja. Nohi Besan, nei Thogele Kamel teu igre ginauna kafe moja, eghuteuna sisi te au ka Thogele Lebanon na igre ginauna kafe lehe.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Profet Sekaraea 10:11

Kate thoke mei puhi biꞌo ka mare na, iara ginauna fanograni puhi biꞌo tuana jateula iara tangomana te fanograni goighovi biꞌo, nei te thofno moja Khoꞌu biꞌo Nael ia eghu. Naikno di Asiria teke fahaehaghedi thedi igre iara ginauna tapla faparidi gnafa. Eghuteuna nogna nolaghi king gna Ijep ginauna blalho theo nafugna.

Naba 10:9

Kate tei ghotilo te magradi nomi mae naoka te magnahaghei goigoni ghami ghotilo are, ghotilo ginauna ifu faghose thilo fata. Eghuteuna kate nomhini iara Lord nomi God ghotilo gne, iara ginauna togho ghami, nei fakarha ghami ka nomi mae naoka ghotilo are.

Naba 22:32

Aonu engel na ne cheke eghu ka mae Balam, “Ne unha site thilo fata purini iagho nou dongki gnea? Iara ngala teke kegra ka nabrou ia teke fanogra nigho iagho ia, naugna jafra fara unha te eni iagho ka iara ia.

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Thakle 18:5

Naugna nakhibognare pagu fara ghilei posa kligna. Eghume, God na theome tangomana te ghatho ihodi unha najafra teke edi naꞌa re eghu.

Ululahu Samuel 1:19

Hamerane boibongi ka keha narane na, mae Elikana nei tharakna gna kegra haghe ne tufru soruni Lord. Gnafa teuna reꞌe neke figri Rama. Eghuteuna mae Elikana ne thuru balugna Hana, eghuteuna Lord ne cheke tughuni nogna tharai Hana na.