Jenesis 7:8 - Buka Blahi Ka Cheke Holo

^8-9 Mae Noa ne thofno leghuni unha te chekeni God na nei hata balugna thua nafnata glepo te tautagu igre nei nanghaji re eghu ka vaka na.

Jenesis 7:8 Iomraidhean Croise

Jenesis 6:19

Iagho ginauna na atha mei ka vaka gne kaisei gaꞌase gna nei kaisei nalhaꞌu gna eghu balumu ka thua nafnata nanghaji ba bosu ba saba ba cheche teu are naugna iara theome magnahaghedi te lehe fahuidi reꞌe na.

Jenesis 7:14

Thua nafnata glepo te tautagu te namha ba te mhaumhaghu, te biꞌo ba te ikodi nei thua nafnata nanghaji teu igre ne mei ne saghe baludi ka vaka na.

Jenesis 7:2

Kate tei saghe ka vaka na, iagho na atha fitu nalhaꞌudi nei fitu gaꞌasedi eghu ka soasopaigna nafnata glepo te tautagu te naba mala ghamu nei fafara teu are. Eghuteuna glepo te tautagu te theome naba te mala ghamu nei fafara teu are, iagho na atha kaisei nalhaꞌu gna nei kaisei gaꞌase gna eghu kolho.

Jenesis 7:3

Eghuteuna ka soasopaigna nafnata nanghaji te flalo ka maloa na are iagho na atha fitu nalhaꞌudi nei fitu gaꞌasedi eghu mala karhau reꞌe ka u nauthoglu igne.

Mae Khuru 10:12

Ke lamnagna u pohe biꞌo tuana au soasopai nafnata glepo tautagu fateote'o nei nafnata thotoli fateote'o nei nafnata mogo fateote'o nei nafnata nanghaji fateote'o.