Jenesis 7:4 - Buka Blahi Ka Cheke Holo

⁴ Fitu narane funu gognaro gne iara ginauna na kuru meini nakhete na mala soru ka nauthoglu igne. Nakhete igne ginauna na soru nabagna phiatutu narane nei phiatutu bongi eghu. Ka nakhete igne ngala nate roꞌe fahuidi iara gobigna lepo te karha teke vuavuha iara ka nauthoglu igne na.”

Jenesis 7:4 Iomraidhean Croise

Jenesis 2:5

jare na neke theo kaisei gaju ba sisi ba kaisei buburu teke kotu haghe na, naugna God neke theome snakreni nakhete na neke soru mei ka nauthoglu igne. Eghuteuna jare na jaola neke theo kaisei naikno te mala loku ka nagare na.

Jenesis 6:13

Aonu God ne cheke eghu ka mae Noa, “Iara ginauna na kafe roꞌe fahuidi naikno te khuru magra nei faꞌau aknu teu fari thedi igre nei iara ginauna na jaola roꞌeni nauthoglu igne.

Jenesis 6:17

Iara ginauna na kuru meini kaisei nabritha te biꞌo mala thafru namono te gnafa ka u nauthoglu igne mala roꞌe fahuidi gobigna lepo te karha ka u nauthoglu igne.

Jenesis 6:3

Aonu Lord ne cheke eghu, “Iara ginauna na theome snakredi mala karha fabrahu naikno igre. Iara ginauna na snakredi mare mala karhau nabagna kaisei gobi varadaki finogha kolho ame lehe nga eghu.”

Jenesis 7:10

Kaisei wik ke leghugna tela saghehi ka vaka na, u nabritha biꞌo na ne mei ne toku thafruni u nauthoglu thongana na.

Jenesis 7:12

Nakhete na ne soru ka nauthoglu igne nabagna phiatutu narane nei phiatutu bongi neu.

Jenesis 7:17

Khoꞌu na ne britha nabagna phiatutu narane, nei haghe ne haghe kligna ne tei salaꞌuni glose na aonu vaka na ne phogla.

Jenesis 7:3

Eghuteuna ka soasopaigna nafnata nanghaji te flalo ka maloa na are iagho na atha fitu nalhaꞌudi nei fitu gaꞌasedi eghu mala karhau reꞌe ka u nauthoglu igne.

Jenesis 8:10

Aonu mae Noa ne ofo nabagna kaisei wik neke kuru fapuloni nga balhu na.

Jenesis 8:12

Mana neke ofoi nabagna kaisei wik neke kuru fapuloni nga balhu na ka fatilo fata na. Nu gognaro nanghaji na neke theome pulo mei.

Jenesis 8:2

Khoꞌu te au ke pari glose ra neke theome loloro haghe. Eghuteuna khoveo te au ka maloa na ra neke theome nakhete.

Thoutonu Eigna Mae Job 22:16

Mare neke lehe tifa kani teke thoke mei nodi narane re, jateula suga te hata te tei nabritha biꞌo ra eghu.

Thoutonu Eigna Mae Job 28:25

God tusu lao nolaghi ka nuri mala ghaghafa faheta. Eghuteuna mana liliseihi vido aheva te mala mei snotogna thongna na.

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Profet Jeremaea 28:16

Naugna igne, Lord ne cheke eghu: Theome raugha, iara ginauna atha fadelei nigho iagho ka nauthoglu igne. Ka finogha igne iagho ginauna lehe, naugna cheke te edi iagho igre batudi naiknore mala theome leghuni nogu cheke iara na.”

Profet Emos 4:7

“Iara neke theome snakreni nakhete na mala thosei soru mei ka nomi nagare ghotilo ra. Eghuteuna iara neke snakreni nakhete na maladi keha namono ghu kolho. Nu kehare theo kolho, eghuteuna khoꞌu na theome naba ka naikno te gnafare.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’