Jenesis 7:2 - Buka Blahi Ka Cheke Holo

² Kate tei saghe ka vaka na, iagho na atha fitu nalhaꞌudi nei fitu gaꞌasedi eghu ka soasopaigna nafnata glepo te tautagu te naba mala ghamu nei fafara teu are. Eghuteuna glepo te tautagu te theome naba te mala ghamu nei fafara teu are, iagho na atha kaisei nalhaꞌu gna nei kaisei gaꞌase gna eghu kolho.

Jenesis 7:2 Iomraidhean Croise

Jenesis 7:3

Eghuteuna ka soasopaigna nafnata nanghaji te flalo ka maloa na are iagho na atha fitu nalhaꞌudi nei fitu gaꞌasedi eghu mala karhau reꞌe ka u nauthoglu igne.

Jenesis 7:8

Mae Noa ne thofno leghuni unha te chekeni God na nei hata balugna thua nafnata glepo te tautagu igre nei nanghaji re eghu ka vaka na.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Profet Esikiel 44:23

Mae pris na mare mala farirhiudi nogu naikno iara re mala filo glanidi mare glepo te blahi, nei glepo te theome blahi teure. Eghuteuna mare mala jaola filo glanidi glepo te klino ka tathagu iara na, nei glepo te theome klino.

Levitikas 10:10

Ghotilo mala ghaoghatho fakeli mala vahidi glepo te blahi nei glepo te theome blahi, nei mala vahidi glepo te klino nei glepo te theome klino ka tathagu iara na.