Jenesis 5:3 - Buka Blahi Ka Cheke Holo

³ Kate kaisei gobi tolufulu finogha na mae Adam neke au kaisei thugna nalhaꞌu jateula thegna neku. Eghuteuna mana ne kiloni nanghagna na Set.

Jenesis 5:3 Iomraidhean Croise

Jenesis 4:25

Kaisei fata mae Adam ghe Ivi neke au kaisei thudi nalhaꞌu. Aonu Ivi ne cheke eghu, “God kela tusu mei ka iara keha sua teke toreni iara te mala ke tughuni Abel teke aknu poru mae Kein tifa ia.” Aonu repa ne kiloni nanghagna thudi na Set. Gaoghathogna Set teu igne “tusu mei” eghu ka cheke Hibru.

Jenesis 5:4

Ke leghugna teke karha mae Set na mae Adam ne nhana gobi finogha gna. Mana jaola neke au keha thugna nalhaꞌu nei keha thugna gaꞌase neku.

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Thoutonu Eigna Mae Job 25:4

Ihei gne te doglo kolho te theo nakhibogna ka tathagna God na? Theo kaisei naikno te karha mei ka nauthoglu igne te klino ka tathagna God na.

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Luku 3:36

Mae Sela gne neke thugna mae Kainan. Mae Kainan gne neke thugna mae Afasad. Mae Afasad gne neke thugna mae Sem. Mae Sem gne neke thugna mae Noa. Mae Noa gne neke thugna mae Lamek.

Jone 3:6

Naugna u thinigna naikno na neke karha kolho ka gaꞌase. Nu u tharungagna naikno na neke karha ka nogna nolaghi Tharunga te Blahi.

Letas Teke Riso Tei Mae Pol Ka Khiloau Rom 5:12

Nakhibo na neke thakle mei ka nauthoglu igne leghuni nogna najafra kaisei mae kolho, eghuteuna mana neke lehe eigna nakhibo. Eghuteuna naugna ka nakhibogna mae igne, glehe na neke thakle mei ka tahati te gnafa naikno te thakle mei ke leghugna mana re. Naugna tahati te gnafa na jaola kafe au ka nakhibo.

Ululahu Korin 15:39

Eghuteuna thinidi glepo ka nauthoglu na igre theome kaisei nafnatadi ngala. Naugna thini naikno na kaisei nafnatagna, thini bosu na kaisei nafnatagna, thini nanghaji na kaisei nafnatagna, thini sasa na kaisei nafnatagna. Glepo igre au nodi soasopai siasigla thedi. Eghuteuna glepo ka maloa na igre jaola theome kaisei nafnatagna ngala. Naugna thinigna naprai na kaisei nafnatagna, thinigna glaba na kaisei nafnatagna, thinidi nathunure kaisei nafnatagna. Glepo igre au nodi soasopai siasigla thedi.

Ululahu Korin 15:49

Tutuani, gognaro na tahati kaisei nanaba ka mae teke mei funu ka glose na, nu tahati ginauna mala kaisei balugna mae ihei teke mei funu kligna na.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.