Jenesis 5:1 - Buka Blahi Ka Cheke Holo

^1-2 God neke vuavuha nalhaꞌu ghe gaꞌase mala jateula thegna neku. Eghuteuna ka narane tuana, God neke fablahidi neke kilodi “naikno.” Uve, igne u susurei gna vikegna mae Adam na.

Jenesis 5:1 Iomraidhean Croise

Jenesis 10:1

Igne thoutonudi vike teke karha ka thilo thugna mae Noa re, mae Sem, mae Ham nei mae Jafet. Vike igre neke karha mei ka thilo mae thabusigna igre ke leghugna nabritha biꞌo na.

Jenesis 2:4

Igne u thoutonu eigna God teke vuavuhadi maloa ghe nauthoglu gre. Ka narane teke vuavuhadi God maloa gne nauthoglu gre,

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Ululahu Kronikols 1:1

Igre nanghadi mae teke karha mei ke leghugna mae Adam te mei posa ka mae Noa re: Adam na kmagna mae Set, mae Set na kmagna mae Enos.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Ululahu Korin 11:7

Mae nalhaꞌu na theome mala toku tafru pha'ugna na kate tarai ba toutonuni chekegna God na, naugna mana jateula thotoghale gna eghu God, nei fagaglana gna nogna nolaghi God te thakle ka mana na. Nu gaꞌase na fagaglana gna nogna nolaghi khetogna na te thakle ka naꞌa na.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Hibru 12:9

Neubane para ghita koba mae kmada te gnafa ka nauthoglu gne, tahati ghatho tahudi koba mare. Naugna igne thofno keli fara tahati te leghuni mae Kmada te au kligna na mala au ka karha balugna mana.