Jenesis 48:3 - Buka Blahi Ka Cheke Holo

³ Mana ne cheke eghu ka mae Josep, “God te nolaghi fara na neke thakle ka iara Lus ka kantri Kenan, neke fablahi ghau iara jare.

Jenesis 48:3 Iomraidhean Croise

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Jenesis 17:6

God jaola ne cheke eghu, “Iara ginauna tusu ranghi nigho iagho kmana vike, eghuteuna keha mae ka vike igre ginauna mala mae king.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 48:2

Kate posa mei mae Josep na, keha naikno re ne cheke eghu ka mae Jekop, “Mae thumu iagho Josep na la mei mala filo nigho iagho.” Aonu mae Jekop nheta neu katha ikoi ne gnokro haghe ka sape na.

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Eksodas 6:3

Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.

Profet Hosia 12:4

Kaisei fata, mana neke magra balugna kaisei engel neke nheta uluni engel igne. Mana neke toreni engel igne mala fablahini. Kani au teku mana ka namono Betel, God neke mei cheke ka mana.

Thakle 21:11

Eghuteuna siasigla gna nogna nolaghi God na ne siasigla lao ka namono na. Siasigla fara jateula kaisei famane thina jaspa te klino fara jateula thiro eghu.