Jenesis 48:1 - Buka Blahi Ka Cheke Holo

¹ Katha vido kmo'ei ke leghugna igne, keha naiknore ne cheke eghu ka mae Josep, “Mae kmamu iagho ia la fogra fara.” Aonu mae Josep hata ne mei ka mae kmagna na phei thugna nalhaꞌu re, mae Manase ghe mae Efraim.

Jenesis 48:1 Iomraidhean Croise

Jenesis 46:20

Kate au teu Ijep na mae Josep neke tolaghi ka Asenat, thugna gaꞌase mae Potifera. Mae Potifera gne, mana mae pris ka namono biꞌo Heliopolis. Mae Josep ghe Asenat ne karha phei thudi nanghadire mae Manase ghe mae Efrem.

Jenesis 48:2

Kate posa mei mae Josep na, keha naikno re ne cheke eghu ka mae Jekop, “Mae thumu iagho Josep na la mei mala filo nigho iagho.” Aonu mae Jekop nheta neu katha ikoi ne gnokro haghe ka sape na.

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Fapea Kings 13:14

Ame lehe nga King Jehoas teuna, profet Elisa neke fogra fara neke namo lehe. Aonu King Jehoas tei ne sighoni mana, ne tanhi eghu eigna mana, “Mama ghe! Mama ghe! Iagho nodi greoreo maedi Israel!”

Fapea Kings 13:20

Aonu mae Elisa ne lehe, eghuteuna mare ne giugiluni mana. Leuleghu finogha ka narane te mala joꞌu gano na, tothoghei soldia di Moab gre sughu mei koba Israel mala blau glepo.

Thoutonu Eigna Mae Job 42:16

Ke leghudi narane igre, mae Job au nabagna kaisei gobi phiatutu finogha. Mana karha neu ne ghilei filodi gragna nei thudi gragnare teure.

Nodi Khoje Hatimare Mae Jiu 128:6

Thofno keli fara jame te karha teu ghotilo te mala filodi gramire. Thofno keli fara jame tahati naiknoda Israel gre te au tada u nakarha te keli na.

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Hibru 11:21

Mae Jekop jaola ne fatutuani ni God. Naugna igne, kate namo lehe na mana fablahidi phei thugna mae Josep. Kau narane tuana mana ne loku ka nogna khodo na ne cheke fakelini God.