Jenesis 47:1 - Buka Blahi Ka Cheke Holo

¹ Mae Josep tei ne cheke eghu ka mae king, “Mae kmagu nei mae thabusigu teu iara re la posa meihi funudi Kenan. Mare hata mei nodi sipu nei nodi buluka nei nodi gobigna lepo teure baludi la mei auhi ka nohi Gosen gognaro gne.”

Jenesis 47:1 Iomraidhean Croise

Jenesis 45:10

Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Jenesis 45:16

Keha naiknore ne toutonu ka iheire te loku ka sugagna mae king na eigna te mei au teu mae thabusigna mae Josep gre jare na. Mae king baludi nogna mae ofisa re ne nomhini cheke igne ne keli tadi fara.

Jenesis 46:28

Kate posa lao mare ka nohi Gosen na, mae Jekop ne kulu kuruni mae Juda mala kulu tei filoni mae Josep Gosen mala mei thafoni mae kmadi na.

Jenesis 46:31

Mae Josep ne cheke eghu ka mae thabusigna nei tharaknagna teu mae kmagna re, “Iara ginauna na tei cheke eghu ka mae king, ‘Hatimare mae thabusigna nei tharaknagna teu mae kmagu iara re la jifla Kenan la mei auhi ka iara agne.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Eksodas 9:26

Eghume kaisei nohi Gosen aheva te au mae Israel gre ngala te theome soru mei tagna u nakhete thina aes na.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.