Jenesis 4:9 - Buka Blahi Ka Cheke Holo

⁹ Ke leghu gna igne Lord ne cheke eghu ka mana, “Kein, ahevau mae Abel mae tahimu iagho ia?” Mae Kein ne cheke eghu, “Iara theome laseni. Theome nogu gloku iara te mala reireghini mae tahigu na!”

Jenesis 4:9 Iomraidhean Croise

Jenesis 37:26

Aonu mae Juda ne cheke eghu ka mae thabusignare, “Jame te faleheni tahati mae thabusida igne te poruni tahati unha teke eni theda na, puhi igne na theome togho ghita tahati kaisei glepo te keli.

Jenesis 37:32

Eghuteuna mare ne hata pohe na neke figri ka mae kmadi na ne cheke eghu ka mana, “Mama, ghehati ne filoni pohe igne ka kaisei vido. Filo sagho. Glahula me pohegna mae thumu iagho ia ngala igne.”

Jenesis 4:10

Aonu Lord ne cheke eghu ka mae Kein, “Thono diꞌa fara unha te eni iagho ranghini mae tahimu na. Filo sagho! Dadara gna mae tahimu iagho na la tanhi hi ka iara te mala foli fapuloni unha najafra teke eni iagho na.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Nodi Khoje Hatimare Mae Jiu 9:13

Lord, kokhoni ghau iara! Filo meidi khabru nei diꞌanagnafa teu tela edi ka iara nogu naoka gre. Hata fapulo ghau, naugna iara gne la namohi kau glehe.

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.