Jenesis 4:2 - Buka Blahi Ka Cheke Holo

² Ke leghugna igne, Ivi ne fakarhini mae Abel tahigna mae Kein. Phia mare ne kafe kotu haghe ne biꞌo, eghuteuna mae Abel gne na mae mala reireghi sipu, eghuteuna mae Kein gne ne mae mala loku ka nagare.

Jenesis 4:2 Iomraidhean Croise

Jenesis 3:23

Aonu Lord God ne brue fajifladi repa ka nagare Eden na mala loku repa ka glose teke vuavuhadi repa God na.

Jenesis 37:13

Mae Jekop ne cheke eghu ka mae Josep, “Hatimare mae thabusimu iagho ra kela teihi Sekem mala ke tei reireghidi keu nogu sipu iara te au teu jare ra. Iara magnahaghei nigho iagho te mala tei filodi mare jare.” Mae Josep ne cheke eghu ka mae kmagna na, “Uve mama, keli fara iara na tei filodi mare jare.”

Jenesis 4:1

Mae Adam ne thuru balugna Ivi khetogna na ne au kaisei thugna nalhaꞌu. Naꞌa ne cheke eghu, “Iara na kiloni nanghagna sua igne mae Kein, naugna Lord la togho ghau iara la atha kaisei thugu nalhaꞌu.” Gaoghathogna Kein teu igne “atha” eghu ka cheke Hibru na.

Jenesis 4:3

Kaisei fata, mae Kein hata ne mei ka nagare na keha gano te mala fafara ne lilisei ke ulugna Lord.

Jenesis 47:3

Aonu mae king ne cheke eghu ka mare, “Unha nafnata gloku gne te tangomana ghami ghotilo te eni na?” Hatimare ne cheke eghu ka mana, “Mae biꞌo, ghehati gne mae mala greiregi sipu, jateula teke eni mae kmami ghehati tifa ra eghu.

Jenesis 9:20

Mae Noa gne kaisei mae keli mala joꞌu sisi grep mala ei waen.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Profet Emos 7:15

Nu Lord neke hata fajifla ghau iara ka nogu gloku na, eghuteuna mana neke cheke faheta ka iara mala mei toutonuni nogna cheke mana na ka ghotilo nogna naikno mana te au ka kantri Israel.

Luku 11:50

Eghume ghotilo naikno te karha teu gognaro gre, God ginauna fate ghami ghotilo eidi glehedi mae profet teke falelehe mare funu ka narane teke vuvuhagna nauthoglu igne.

Luku 11:51

Tutuani fara, God ginauna fate ghami ghotilo eidi glehedi mae blahi tifa ra, fufunu ka glehegna mae Ebol mei posa ka glehegna mae Sekaraea teke falehe mare rhegna olta gna nogna Sugablahi God.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Ululahu Jone 3:15

Ihei te tirognani kheragna fofodu na mae tuana kaisei naikno aknu poru ka nagnafagna na. Ghotilo lasenihi theo kaisei naikno aknu poru te hatani karha fei tifa na.