Jenesis 4:1 - Buka Blahi Ka Cheke Holo

¹ Mae Adam ne thuru balugna Ivi khetogna na ne au kaisei thugna nalhaꞌu. Naꞌa ne cheke eghu, “Iara na kiloni nanghagna sua igne mae Kein, naugna Lord la togho ghau iara la atha kaisei thugu nalhaꞌu.” Gaoghathogna Kein teu igne “atha” eghu ka cheke Hibru na.

Jenesis 4:1 Iomraidhean Croise

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Jenesis 3:24

Ke leghugna te kuru fajifladi ka nagare Eden, God ne lilisei kaisei tothoghei engel mala kegra ke maghati gna nagare Eden, nei lilisei kaisei naflahi khaꞌaghi te dudulu te figri tafri na. Mana neke eni igne mala theome tangomana repa te lao thoke ka gaju te mala tusu lao karha na ka naiknore.

Jenesis 4:2

Ke leghugna igne, Ivi ne fakarhini mae Abel tahigna mae Kein. Phia mare ne kafe kotu haghe ne biꞌo, eghuteuna mae Abel gne na mae mala reireghi sipu, eghuteuna mae Kein gne ne mae mala loku ka nagare.

Jenesis 4:25

Kaisei fata mae Adam ghe Ivi neke au kaisei thudi nalhaꞌu. Aonu Ivi ne cheke eghu, “God kela tusu mei ka iara keha sua teke toreni iara te mala ke tughuni Abel teke aknu poru mae Kein tifa ia.” Aonu repa ne kiloni nanghagna thudi na Set. Gaoghathogna Set teu igne “tusu mei” eghu ka cheke Hibru.

Jenesis 5:29

Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Naba 31:17

Eghume ghotilo ginauna falehedi bukrei mae nalhaꞌu nei goro gaꞌase teu te thuru fodu keha mae are.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.