Jenesis 39:2 - Buka Blahi Ka Cheke Holo

² Lord na ne au balugna mae Josep, eghuteuna gobigna lepo te edi mana re ne thofno keli fara. Mae Josep gne ne loku ka sugagna mae Potifa na,

Jenesis 39:2 Iomraidhean Croise

Jenesis 21:20

Kate biꞌo haghe mana na God ne toghoni mae sitei na. Mae Ismael au ka namono nagou ne kaisei mae lase fada jata fara.

Jenesis 21:22

Ka narane igne mae Abimelek ghe mae Fikol nogna mae ofisa biꞌo lahu mana ka nogna armi na, phia mare ne tei ka mae Ebraham ne cheke eghu, “God na au balumu iagho fabrahu ka gobigna lepo te edi iagho gre.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 26:28

Thilo mare ne cheke eghu ka mae Isak, “Gognaro na ghehati la lase nigho iagho, eigna Lord na au balumu iagho. Eghuteuna ghehati magnahaghei te mei te mala eni kaisei nhaꞌa cheke balumu iagho. U nhaꞌa cheke igne na cheke eghu,

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 39:23

Lord ne au balugna mae Josep ne toghoni mana, eghuteuna glepo te edi mana re ne keli fara. Mae te reireghigna suga sosolo na theome ghatho peapea ka unha te chekedi mana mala edi mae Josep teure.

Jenesis 39:3

eghuteuna mae Potifa gne laseni mae Josep gne Lord na e au balugna mana. Naugna igne gobigna lepo te edi mae Josep re ne thofno horoghoto fara ka gaoghathogna mae Potifa re.

Fapea Kings 18:7

Aonu Lord ne au balugna mae Hesekaea, eghuteuna gobigna lepo te edi mana re neke thofno keli fara. Eghuteuna mae Hesekaea ne theome magnahagheni king gna Asiria gne ne theome leghuni mana.

Ululahu Kronikols 9:20

Ulu lahu na mae Finehas thugna mae Eleasa teke nodi lida mae te mala reireghi igre, eghuteuna Lord neke au balugna mana.

Fapea Kronikols 1:1

Solomon thugna King Devet mana kaisei king te thofno nheta fara, naugna nogna Lord God na au balugna mana ne tusu ranghini nolaghi biꞌo.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Profet Jeremaea 15:20

Iara ginauna togho nigho iagho mala kegra heta fari hoteidi naikno igre jateula kaisei gringni te horo mare ka bras ra eghu. Kate magri nigho mare na, mare ginauna theome tangomana te ulu nigho iagho na, naugna iara ginauna na au balumu iagho. Iara ginauna reireghi nigho nei fakarhi nigho eghu.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Mae Khuru 8:31

Mae biꞌo na ne cheke eghu, “Thono theo fara. Faꞌunha me laseni iara eghu te theo kaisei mae te mala farirhiu ghau na?” Mana ne toreni mae Filip mala apla haghe ka chariot na mala gnokro rhegnai.

Ululahu Timoti 6:1

Mae snekare mala ghatho tahudi nodi mae funeire. Kate eni igne, theo kaisei naikno ke kosigna khiloau na tangomana te cheke faparini nanghagna God nei nogna farirhiu khiloau na teuna.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 6:27

Mae Josua ne fnakno fara heva heva Kenan eidi glepo te edi mana igre. Eghuteuna Lord na ne au fabrahu balugna mana.

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Ululahu Samuel 18:28

Mae Sol ne filo glani Lord te au balugna mae Devet na, eghuteuna thugna mana Mikal igne ne thofno namhani fara mae Devet.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.