Jenesis 32:2 - Buka Blahi Ka Cheke Holo

² Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Jenesis 32:2 Iomraidhean Croise

Fapea Samuel 17:24

Aonu King Devet nei mae te balugna mana re eghu la tei posahi ka namono Mahanaem. Ka narane tuare mae Absalom ne hata armigna Israel na ne batudi ne tei kasa ka Khoꞌu biꞌo Jordan.

Fapea Samuel 2:12

Mae Abna hata nogna armi mae Isboset igne ne jifla Mahanaem ne tei ka namono Gibeon.

Fapea Samuel 2:8

Ka narane te lehe mae Sol ka armi gna Filistia igne, mae Abna thugna mae Ner, mae komanda ka nogna armi mae king Sol igne ne hata balugna mae Isboset thugna mae Sol igne ne tei kasa ka khoꞌu Jordan. Mare tei ne au ka namono Mahanaem.

Ululahu Kings 2:8

“Eghuteuna iagho ghathoni mae Simei, thugna mae Gera ka namono Bahurim, ka nogna vido glose vikegna mae Benjamin. Ka narane teke soru iara Mahanaem igne, mana neke cheke fadiꞌa ghau iara. Nu kate mei thafo ghau iara jare ka khoꞌu Jordan na, iara neke eni kaisei nhaꞌa cheke ka mana ka nanghagna Lord, eigna te mala thosei faleheni iara mana na.

Ululahu Kings 4:14

Mae Ahinadab thugna mae Ido, mana reireghini vido Mahanaem.

Fapea Kings 6:17

Eghuteuna mana ne tarai eghu, “Lord, tothora tathagna mana re mala filoni mana nou nolaghi iagho na.” Aonu Lord ne tothora tathagna mae gloku igne. Mana ne filoni thogele te au phiamare igne ne fodu ka hose nei chariot eghu ne jateula khaꞌaghi neu filodire. Mare ikotongana faligohoni mae Elisa.

Ululahu Kronikols 12:22

Leuleghu narane na mae te mei loku fodu ka mae Devet igre nogna armi mana na ne ghilei kmana soldia, ne nheta jateula nogna armi God neu.

Nodi Khoje Hatimare Mae Jiu 103:21

Ghotilo nogna naikno gloku God te au kligna te edi unha te magnahaghedi mana ra, ghotilo cheke fakelini mana!

Nodi Khoje Hatimare Mae Jiu 148:2

Ghotilo nogna engel mana ra, ghotilo mala kilo fnaknoni Lord.

Nodi Khoje Hatimare Mae Jiu 24:10

Mae ihei te mae king biꞌo na? Lord ngala mae ihei te nheta ne au nolaghi biꞌo teu ke uludi naikno te gnafa ka nauthoglu igne na ngala te mae king biꞌo na.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Famane Khoje 6:13

Iagho gaꞌasemu Sulam! Ke pulo mei, ke pulo mei! Ghehati magnahaghei mala fiofilo ka iagho! Naugna unha si ghotilo te magnahaghei mala filo ka iara kolho, kate ragi iara farihoteidi phei tothoghei grea?

Profet Daniel 10:20

Eghuteuna mana ne cheke eghu, “Ba, iagho laseni unha te meini iara ka iagho gognarogne? Iara mei mala falalase ka iagho unha teke rioriso mare ka Buka na Cheke te Tutuani igne. Nu iara gognarona nake ghosei ke pulo mala magrini engel te diꞌa te reireghidi naiknodi Pesia. Ke leghugna igne, keha engel te diꞌa te reireghi naiknodi Gris igne ginauna mei. Nu engel Maekol, mae ihei te reireghi ghami ghotilo mae Israel gre ngala te togho ghau iara na.”

Luku 2:13

Eghuteuna kaisei tothoghei engel gna kligna ghosei ne mei ne salo fodu balugna engel au tekeu jare na ne kafe koje kilo fnaknoni God, ne cheke eghu,

Josua 21:38

Eghuteuna ka nogna vido Gad, mare khotodi fati namono baludi glose te au faligoho ka mala lilisei buluka, nei sipu nei nanigot. Ulu lahu na, namono igre Ramot jare Gilead, kaisei ka namono te mala poru igre, baludi Mahanaem,

Josua 5:14

Nu mae igne ne cheke eghu, “Theo, iara mei agne naugna iara mae komanda gna nogna armi Lord.” Kate nomhini mae Josua igne, mana ne pogho soru pari ne cheke eghu ka mae igne, “Mae biꞌo, iara nou mae gloku iagho. Unha te magnahagheni iagho te mala eni iara na?”