Jenesis 3:8 - Buka Blahi Ka Cheke Holo

⁸ Ka vido te riurifu fei grafi na repa ne nomhini Lord God te nonolo ka nagare na, aonu repa ne poru fari hoteidi gajure ke lamnagna nagare na.

Jenesis 3:8 Iomraidhean Croise

Jenesis 18:33

Kate cheke te gnafa balugna mae Ebraham na, Lord jifla ne tei kokoni mae Ebraham. Eghuteuna mae Ebraham neke pulo ka namono na.

Jenesis 3:10

Mae Adam ne cheke eghu, “Iara ne nomhini nigho iagho te nonolo ka nagare igne ne mhaghu nogu nigho fara ne poru, naugna iara gne ne soesole.”

Thoutonu Eigna Mae Job 22:14

Kate nonolo mana ka maloa na, mana theome tangomana te filo ghita na, naugna grokho biꞌo toku tafruni mana.’

Thoutonu Eigna Mae Job 31:33

Kmana naikno fariuriu pophoru nakhibodi re, nu iara theome tangomana te pophoru nakhibogu re.

Thoutonu Eigna Mae Job 38:1

Aonu nogna cheke tughu Lord ka mae Job na ne jifla mei ka kaisei khoburu. Mana ne cheke eghu:

Proveb 15:3

Lord na filo ka naikno te keli nei ka naikno te diꞌa, eghuteuna lasedi unha te edi mare re.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Profet Hosia 10:8

Vido blahi te mala tarai mare ka mumuju Bet-Aven igre ginauna groꞌe theo tokadi, eghuteuna olta te au ka vido blahi tuana ginauna thafru ka soro nei ka phono eghu. Eghuteuna iheire te magnahaghei te tei porure, mare ginauna na cheke eghu ka thogelere, “Mei toku tafru ghami!” Eghuteuna cheke eghu ka gukhure, “Soru mei ke klignami!”

Levitikas 26:12

Iara ginauna nomi God ghotilo fabrahu, eghuteuna ghotilo ginauna nogu naikno iara.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Letas Teke Riso Tei Mae Pol Ka Khiloau Rom 2:15

Tutuani, mare tathakle kaisei vetula na au ka nagnafadire, eigna mare laseni unha te doglo na nei unha te jafra na, jateula te chekeni ka vetula na ia eghu. Eghuteuna mare jaola tathakle igne ka puhi te haimini mare eigna te doglo nei jafra. Keha fata gaoghathodire cheke ranghidi najafra te eni mare na. Eghuteuna keha fata gaoghathodire cheke ranghidi te doglo te eni mare na.

Diutronomi 23:14

Ghotilo edi glepo igre naugna Lord nomi God ghotilo igne, mana au balumi ghotilo, eghuteuna mana ginauna reireghi ghami ghotilo, eghuteuna mana ginauna togho ghami ghotilo mala tangomana ghotilo te uludi nomi naokare. Eghume vido te au ghotilo igne mala kaisei vido blahi, eghuteuna Lord theome magnahagheni te filoni kaisei glepo te famamaja ikno ka ghotilo, ba glahu figri tagru ghami mana.”

Diutronomi 4:33

Ba, ihei ka keha naikno igre teke nomhini chekegna kaisei god te jifla mei ke lamna khaꞌaghi jateula ghotilo teu te theome lehe tagna na?

Diutronomi 5:25

Nu, gognarona ghehati theome magnahaghei te lehe ka khaꞌaghi biꞌo igne! Jame te nomhini ghehati naoglagna Lord, nomi God igne keha fata re ghehati ginauna na thofno lehe.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.